ՀՐԱՆՏ ՀՈՐԻԶՈՆ
ՀԱՆԳԱԺՊԻՏՆԵՐ
***
- Ի՞նչ կբերի մեզ այս դարը:
- Ինչքան քաղցր, նույնքան` դառը:
***
Չի հագնում հագուստն իր ազգային,
Որ համարվի միջազգային…
***
Չի վիրավորվում, որ գործից գլուխ չի հանում,
Վիրավորվում է, որ իրեն գործից են հանում…
***
- Տո, ես իսկի հազարին փող չեմ ասում:
- Քեզ էլ հազարից մեկն է մարդ ասում:
***
Երբ հորանջում էր, շատ էր ուրախանում,
Որ տանը գոնե մի գործ է անում…
***
Կրակն ու ջուրը հար ընդդիմադիր ու անհաշտ են,
Աշխարհում այսքան ջուր կա, հրդեհներն էլի շատ են…
***
- Ամբողջ կյանքում ես նեղության մեջ եմ եղել:
- Ուրեմն, կարելի է քեզ ավելի նեղել…
***
Շունն իր տիրոջը մեծ մարդ էր հաշվում,
Զարմանում էր, որ առաջ չեն քաշում:
***
Մի պարծեցիր` պերճախոս ես,
Կարևոր է, որ ճիշտ խոսես…
***
Բաղդադն արին տակն ու վրա,
Վայ թե խուրման էլ դառնանա…