Լեռան պատկերով ես աշխարհ եկա
Նիկոլայ ՇԱՀՆԱԶԱՐՅԱՆԼրացավ նվիրյալ մանկավարժ, ճանաչված բանա-ստեղծ, արձակագիր Նիկոլայ Շահնազարյանի ծննդյան 70-ամյակը:
Այդ կապակցությամբ Հայաստանի գրողների միության նախագահության որոշմամբ Ն. Շահնազարյանը պարգևատրվեց «Գրական վաստակի համար» մեդալով` հայ գրականությանը մատուցած ծառայությունների համար:
Մեկ այլ պարգևի էլ Նիկոլայ Շահնազարյանն արժանացավ ՀՀ ԿԳ նախարար Լևոն Մկրտչյանի հրամանով:
Կրթության, մանկավարժության ոլորտում ներդրած մեծ ավանդի և ծննդյան 70-ամյա հոբելյանի կապակցությամբ նա ստացավ ԿԳ նախարարության բարձրագույն պարգևը` «Ոսկե հուշամեդալը»:
Խմբագակազմը սիրով շնորհավորում է հոբելյարին և ընթերցողների ուշադրությանն է ներկայացնում մեր վաղեմի բարեկամի և գրչընկերոջ նոր բանաստեղծություն ներից:
ԼԵՌԱՆ ՊԱՏԿԵՐՈՎ
Լեռան պատկերով ես աշխարհ եկա`
Որպես Երկվորյակ Մայր-լեռան որդի,
Արարչագործման ես նախավկա,
Լեռնապինդ ոգին իմ ժողովրդի:
Ցավի ու խինդի, ցասման ու սիրո`
Մրմունջ-տաղերով ինձ բարուրեցին,
Հավիտենության թաքուն կարոտով,
Հողմաշունչ երգով միշտ օրորեցին:
Երկնքին մոտիկ, Տիրոջ աչքի տակ`
Կյանքս` և´ վայրկյան, և´ հավերժություն,
Լեռան պատկերով ու սրտով իմ տաք`
Ապրեմ-հավերժեմ օրհնյալ աշխարհում...