ԲԱՑ ՆԱՄԱԿ
Հայաստանի Հանրապետության Պաշտպանության նախարար պարոն Սեյրան ՕՀԱՆՅԱՆԻՆ
Մեծարգո պարոն Նախարար,
Վերջերս խնդրանքով դիմել էին Ձեզ` կազմակերպելու մեր հանդիպումը մեր զավակների հետ, և Դուք օժանդակեցիք: Այդ ուղևորությունը և հանդիպումը կատարվեց պատշաճ կերպով և շատ բարձր մակարդակով: Այդ էր վկայում Ձեր կողմից մեզ ուղեկցող զինվորական ոստիկանության աշխատակիցների մեծ ուշադրությունը, զինկոմիսարիատի աշխատակիցների հետևողականությունը ու վերաբերմունքը:
Հարգարժան պարոն Օհանյան, մեր որդիները գոհ էին իրենց ծառայությունից, զորամասերի հրամանատարներից և սպայական կազմից. դա անմիջապես նկատելի էր նրանց մարտական կեցվածքից, սանիտարահիգիենիկ ու առողջական վիճակից, սննդից: Մենք` ծնողներս, նույնպես անչափ գոհ մնացինք մեր ուղևորությունից, մեր որդիների ընդհանուր վիճակից ու նրանց առօրյայից:
Ցանկանում ենք նշել մի քանի ուշագրավ, հաճելի և հիշարժան փաստեր: Բոլորովին պատահական` հաղորդակցվեցինք Ամերիկայի Կալիֆորնիա նահանգից, Լոս Անջելեսից և Թուրքիայից ժամանած զբոսաշրջիկ մեր հայրենակիցների հետ, ովքեր հիացած էին մեր որդիների մարտական կեցվածքով, ոգու արիությամբ և նրանց անգլերեն լեզվի իմացությամբ: Զինվորները նրանց համար երգեցին իրենց վաշտերի ոգեշնչող երգերը և հավաստիացրեցին, որ Հայոց աշխարհն ու Արցախը ուժեղ բանակի, իրենց նման զգոն ու կարգապահ զինվորների ամուր ձեռքերում է: Իսկ մենք` ծնողներս, նրանց հյուրասիրելով Հայաստանի անուշահամ մրգերը, շնորհակալություն և գոհունակություն հայտնեցինք ամենամյա հեռուստա մարաթոնում նրանց մասնակցության և բոլորիս երկրին ցուցաբերած օգնության համար:
Հարգարժան պարոն Օհանյան, կրկին ու կրկին հայտնում ենք մեր երախտագիտությունը: Աստված պահապան Ձեզ, մեր Հայոց ազգին, նրա որդիներին և մեր Ազգային բանակին:
Հարգանքով` Տավուշի մարզի սահմանամերձ գոտում ծառայող ժամկետային զինծառայողների ծնողներ`
Անահիտ Ամիրաղյան (ք. Այրում), որդին` Դավիթ Գևորգի Ահարոնյան
Գևորգ Ահարոնյան (ք. Այրում), որդին` Հովհաննես Գևորգի Ահարոնյան
Գոհար Մելքոնյան (ք. Այրում), որդին` Արսեն Կարենի Մելքոնյան
Կարեն Մելքոնյան (ք. Այրում), որդի` Արմեն Կարենի Մելքոնյան
Սուսաննա Հանիսյան (ք. Այրում), որդին` Ահարոն Հովհաննեսի Հանիսյան
Աիդա Սարկիսովա (ք. Այրում), որդին` Արա Ռոբերտի Այվազյան
Գրետա Մամյան (ք. Արճիս), որդին` Եղիշե Սուրենի Յոլչյան
Մելանյա Աբովյան (ք. Նոյեմբերյան), որդին` Մխիթար Սամվելի Մամյան
Արմինե Ամիրաղյան (ք. Նոյեմբերյան), որդին` Սևակ Սաշայի Գիշյան
Էլմիրա Խոջյան (ք. Այրում), որդին` Գարիկ Գուրգենի Խոջյան
Արմինե Նազարյան(ք. Այրում), որդին` Արսեն Արարատի Մկրտումյան
Ամալյա Սարգսյան (ք. Այրում), որդին` Հարություն Ստյոպայի Աղաբաբյան
Մարինե Թամազյան (գ. Արճիս), որդին` Նաիրի Արթուրի Ներսեսյան