Հումոր

- Ո՞նց է կյանքդ:

- Ինչպես` Մարսի վրա:

- Այդքան հեռո՞ւ եք ապրում:

- Չէ, մենք պարզապես չենք ապրում:

- Երբեք մի´ ասա, որ ժամանակը քիչ է: Քո օրն ունի այնքան ժամեր, որքան Բեթհովենի, Պուշկինի, նորօրյա օլիգարխների օրը:

- Այն աշխատանքը, որը կինը կատարում է տանը` աննկատ է մնում: Բայց աչք է ծակում, երբ նա ոչինչ չի անում:

- Կամուսնանա՞ս ինձ հետ:

- Հո հիմար չեմ:

- Հակառակ դեպքում չէի հարցնի:

- Ի՞նչ է սերը,- հարցնում է փոքրիկ աղջիկն իր եղբորը:

- Դա այն է, որ դու ամեն օր իմ պայուսակից թռցնում ես շոկոլադը, իսկ ես շարունակում եմ այնտեղ միշտ շոկոլադ դնել:

Կանանց ընտանեկան երջանկության 3 նախապայմանները.

- Երբեք մի´ ասա ամուսնուդ մորդ ասածները:

- Երբեք մորդ մի ասա, թե քեզ ինչ է ասում ամուսինդ:

- Երբեք ու ոչ մեկին ոչինչ մի´ պատմիր, թե ինչ է կատարվում քո ընտանիքում:

Կայարանն ավելի շատ է տեսել ջերմ ու անկեղծ համբույրներ, քան Զագսը: Իսկ հիվանդանոցի պատերն ավելի շատ ջերմեռանդ աղոթքներ են լսել, քան եկեղեցին: