Հանգաժպիտներ

J Մեր ձայներով պատգամավոր ընտրվեց,

Ազգային ժողովում ձայնը կտրվեց:

J Ինչ որ ասին, ասաց` ճիշտ ես:

Էլ նրա հետ ինչպե՞ս վիճես:

J Թե ով ինչեր կանի կյանքի խառնարանում...

Բայց կովը իր խմած ջրից կաթին չի խառնում:

J Անուն կվաստակեր, եթե գործեր իր ուղեղով,

Բայց ստամոքսը նրան տարավ այլ ուղիով:

J Մսի սովից առյուծը մեռավ,

Այդպես էլ խոտակեր չդառավ:

J Որ չեք թողնում շեֆիս քծնեմ,

Ես ո՞նց պիտի վերածնվեմ...

J Շուտով կեղտոտ գործարքով միլիոնատեր

կդառնա:

Այդքան փողեր լվալիս գոնե

խիղճն էլ լվանար:

J Ավտո է վարում տիկինը, մի մետր չի

քայլի ոտքով.

Մեքենան բենզինով է աշխատում, տիկինը`

տորթով...

J Հեռուստացույց, մեզ դասեր մի տուր`

ճաշն ինչպես եփել`

Մեզ մթերքը տուր, մենք գիտենք` ճաշն

ինչպես կեփեն:

J Պահակ ընդունելիս հասկացրին իրեն`

Ինչը պիտի պահպանի, ինչը` տանեն իրենք:

J Եթե աշխարհում ամեն ապրանք իր

գինը ունի,

Թափելիք աղբը որակով արա` սպասող ունի...

J - «Սևան» նկարիդ գինն իջեցրու, գնեմ:

- Սա Սևանի ջուրը չի, որ իջեցնեն...

J - Ես ինձ էի ուտում ջղայնությունից...

- Բա՞ չվախեցար` թունավորումից:

J Մենակ էր թատրոն գնացել,

Դահլիճում քնած էր մնացել:

J Դու ինձ այդքան կոպիտ ու անտաշ

մի համարի,

Մարդահամարը կգա` ինձ մարդ կհամարի:

J Այդպես էլ չգտավ իր կյանքի ընկեր`

Յոթ սիրուհի պահեց, որ մեկին ընտրեր:

J Սիրուհուն գաղտնի ու հեռու են պահում,

որ չճանաչեն,

Որովհետև, սիրուհին տանը պահելու բան չէ: