Հանգաժպիտներ
* -Այ քեզ ամուսնություն, քեֆս բերեց,
Կինը, որպես օժիտ, գրքեր բերեց:
* Գիտե` իր հանդեպ ես սեր եմ տածում,
Քթիցս բռնած ինձ ման է ածում:
* Հայ կինը ոչինչից սարքում է սեղան,
Հենց դրանից էր, որ սովից չմեռան:
*Ախր ես էնքան լավ աղջիկ ունեմ,
Ձեռքս չի գնում, որ ամուսնացնեմ:
* Կինը հոտավետ ծաղիկ է նրբին,
Բայց նրան նույնիսկ ծաղկով չեն խփի…
* Սիրուհու ոտքերն էին տարել խելքը,
Բայց նշանվելիս խնդրեց նրա ձեռքը:
* -Քեզ համար եմ այրվում...
- Ո՞ւր է, դե մի օր ինձ մոխիրդ ցույց տուր:
* Ոտքով այնքան խփեց իր հարսին,
Որ դասեցին սմբակավորների դասին:
* - Հիմար խելքս ասա, որ քեզ առա:
- Դե որ հիմար ես, տեղդ տազ արա…
* Երբ ասում էր կնոջ մերը մեռնի,
Ասում էր. «Վայ, քո մերը չմեռնի»:
* Ժողովրդական երգեր երգեց` պորտը բաց,
Ժողովրդի փակ բերանը մնաց բաց:
* Սիրահարվեց… և ի˜նչ բարի դարձավ,
Տեսավ սիրածին չեն առնում… ինքն առավ:
* - Լեզուդ ինչո՞ւ ես երկարացրել:
- Տեսնեմ` մինչև ուր կհասցնեմ:
* Հիմա դա գաղտնիք չէ, կարող եմ ասել`
Երբ կինս քնած է, տան տերը ես եմ:
* - Մա, հիմա ուզողս օդաչու է, նրան սիրե՞մ:
- Աղջիկս, սպասիր օդն ուսումնասիրեմ…
* - Սիրելիս, դու իմ ապագա կինն ես:
- Բայց դու ապագա ունե՞ս:…
* - Սիրուն ջան, ես քո ջանին մեռնեմ:
- Բա որ մեռար, ես ո՞ւմ առնեմ…
* Որ սերդ տան մեջ աճի, ամրանա,
Կնոջդ լավ պահիր, որ տատիկ դառնա:
* Ոնց որ քեզ ուզողներ եկան, աղջի,
Թե չէ շունն էդքան ուրախ չէր հաչի:
* - Ամուսնուդ շատ ես խեղճացրել,մեր սիրուն:
- Ես տղամարդկանց էդ տեսակն եմ սիրում: