Առակս զի՞նչ ցուցանե


*** Հերիք չէ` օձ է,

Երազում է թևեր էլ ունենալ...

*** Շատերն են ուզում իրենց կանանց

*** Պենելոպե տեսնել, բայց դրա համար պետք է ընդամենը... Ոդիսևս լինել...

*** Աղվեսով գործը հո չի՞ վերջանում.

*** Վարազն ու էշն էլ են խարդախ լինում...

*** Հետաքրքիր է` անառակ որդին կվերադառնա՞ր հոր մոտ, եթե նա´ էլ աղքատացած լիներ...

*** Իմ մասին այնպիսի բաներ գիտեն, որ ինքս էլ չգիտեմ...

*** Որդը վարդին յուրովի էր սիրում...

*** Այստեղ աղոթում էր Աստծուն,

Այնտեղ` աղտոտում անմեղին...

Ղեկ+ավարը

Երբ ղեկավարն անկարող է ղեկը վարել,

Բայց և իր չաղլիկ պաշտոնը

Ոչ մի կերպ չի ուզում թողնել,

Նրա ղեկ-ավարա+ծ օբյեկտը

Արագ կարող է... նալերը տնկել...

Կենսական պլյուս...

Պետք էր` խլուրդ էր,

Պետք էր` քաջ աքլոր,

Պետք էր` շա˜տ շունն էր,

Պետք էր` սուս կատու.

Նայած թե ում էր

Գործը առնչվում...

*** Թունավոր մեկն անմեղ մեկի մասին ասաց.

- Բայց նա շա˜տ կեղծավոր է:

- Լավ է լինի կեղծավոր, քան քո նման թունավոր,- լսվեց քմծիծաղով պատասխանը:

*** Էշին պաշտոն տվեցին` հրեշ դարձավ, պաշտոնից զրկեցին` դարձյալ նախկին էշը դարձավ...

Յուրահատուկ ժպիտ...

Գողություն, ստորություն անելիս կամ զրպարտելիս`

Ռեզինի պես ձգած ժպիտն անպակաս էր երեսից...

«Հոգատարություն»

Այնքան «հոգ տարան», մինչև հոգին առան...

Անահիտ ԱՎԵՏԻՍՅԱՆ.