Ազատամարտիկների թանգարան`

Եռաբլուրում


«Եռաբլուր» զինվորական պանթեոնի տարածքը մշտապես բարեկարգվում է: Հաջորդ տարի էլ` 2016թ.-ին, հանրության առջև իր դռները կբացի նաև պանթեոնին հարող տարածքում ճարտարապետական ինքնատիպ լուծումներով կառուցվող Ազատամարտիկների թանգարանը:

Նախագծային հաշվարկներին և իրականացվելիք աշխատանքների ժամանակացույցին տեղում ծանոթանալու նպատակով` հունիսի 11-ին «Եռաբլուր» զինվորական պանթեոն է այցելել պաշտպանության նախարար Սեյրան Օհանյանը: Պաշտպանության նախարարի առաջին տեղակալ Դավիթ Տոնոյանի և պաշտպանական գերատեսչութ յան այլ բարձրաստիճան ներկայացուցիների ուղեկցությամբ Սեյրան Օհանյանը շրջել է պանթեոնում, տվել մի շարք ցուցումներ և հանձնարարականներ գերեզմանաքարերի շրջակա տարածքներում բարեկարգման աշխատանքներ և շաբաթօրյակներ կազմակերպելու, ըստ այդմ` ուխտատեղի դարձած Եռաբլուրի բարձունքը քաղաքացիների այցելությունների համար առավել հարմարավետ դարձնելու ուղղությամբ:

Պաշտպանության նախարարի ուշադրության կենտրոնում էին հատկապես Ազատամարտիկների թանգարանի նախագծային-հաշվարկային աշխատանքները, որոնց կապակցութամբ մանրամասն տեղեկություններ ներկայացրին ՀՀ ՊՆ կապիտալ շինարարության և զորքերի բնակավորման վարչության պետ Աշոտ Գրիգորյանը, կառուցման աշխատանքներին ներգրավված ճարտարապետներն ու պատասխանատու այլ մասնագետները, ովքեր հավաստիացրին, որ շինարարական և կահավորման աշխատանք ների ավարտից հետո երկհարկանի շինությունն ամբողջովին համահունչ կլինի ժամանակակից թանգարանային պահանջներին: Հատկանշական է, որ որպես զոհված հերոս հայորդիների քաջագործությունն ու սխրանքը վերաարժևորելու ևս մեկ կարևոր հարթակ` ազատամարտիկների թանգարանը կունենա գեղեցիկ ցուցասրահներ, ինչպես նաև տեսաֆիլմերի դիտասրահ` հագեցած ժամանակակից տեխնիկական միջոցներով: