Գողության էր գնացել խմիչքով
Հունվարի 22-ին, ժամը 13.00-ին, ոստիկանության Վաղարշապատի բաժին է ահազանգել Այգեկ գյուղի տարեց մի բնակչուհի և հայտնել, որ մի անծանոթ տղամարդ մուտք է գործել իր տան խոհանոց:
Պարզվել է, որ գիշերը Մելիք գյուղի 66-ամյա մի բնակիչ, գողություն կատարելու նպատակով, բաց դռնից մտել է ոստիկանություն դիմած կնոջ տան խոհանոց, ալյումինե և պղնձյա ամաններն ու կաթսաները հանել պահարանից, ապա իր հետ բերած 1 շիշ օղին տեղում խմել ու քնել:
Նրան հարբածության պատճառով տեղափոխել են հիվանդանոց, և ըստ բժշկի տեղեկանքի` տղամարդն ի վիճակի չի եղել բացատրություն տալու:
Կատարվում է հետաքննություն: