*Սիգի որսը չի թույլատրվում, բայց վաճառքը թույլատրվում է:
*Սողացող է, բայց թանկ գնով թևեր էլ առավ:
*Մեր ձեռքբերումները ձեռքառնելիք դարձան:
*Խոստումնադիմացկուն ժողովուրդ ենք դարձել:
*Շատ գիտես, քիչ խոսեցրու:
*Հարց չկա, բայց հարցնելու շատ բան կա:
*Ցածր մակարդակով բարձրագոչ հայտարարություններ արեց:
*Մեծ-մեծ խոսելով` անգամ փոքր միտք չես կարող ծնել:
*Շատ է խոսում, որ չհասցնեն հասկանալ, թե ինչ է ասում:
*Ով շատ աշխատի, նա ժամանակ չի ունենա ուտելու:
*Վերևից իջեցրին, էլի վերևից է նայում:
*Գույների մեջ գերադասում է սպիտակ գինին:
*Պետի հետ վիճելուց է հարցը դառնում անլուծելի:
*Անդեմ մարդուն դիմակայելը շատ է դժվար:
*Խեղդվել հաճելի է միայն մի դեպքում` երբ ընկել ես փառքի մեջ:
*Բացի իրենից բոլորին մեղադրում է:
*Ճանաչիր ինքդ քեզ, որ չասեն` դո՞ւ ով ես:
*Կինը չի լռում, որ քեզ չլսի:
*Եթե ինքդ քեզանից չամաչես, ուրիշներից էլ չես ամաչի:
*Փողով ուրիշին է փոսը փորել տալիս, որ ինքը չընկնի մեջը:
*Խոստումներից եկողը` խոստումներից էլ կգնա:
*Անկեղծ ասած` կեղծ խոսքեր են հնչում:
*Քաշ չունի, դրա համար էլ քաշվում է:
*Երկար է ճառում, որ գործ անելու ժամանակ չմնա:
*Ամեն ինչից էլ կարող ես թաքնվել` բացի խղճից:
*Դանակը ոսկորին հասցնելու համար համբերություն է պետք:
*Փող չունենալու դեպքում գներն ավելի են աճում:
*Ոտքդ թոշակիդ չափով մեկնիր: