ՀՈՒՄՈՐ
- Ոստիկանությունում ծանոթ ունե՞ս:
- Ամենամոտիկ ընկերս:
- Ո՞ր բաժնում է:
- Երկու ամիս է` մեկուսարանում նստած է:
Ամուսինը կնոջ հետ վիճում է մեքենայում: Անցնում են մի գյուղի միջով և հանկարծ երկու խոզ են հայտնվում մեքենայի առջև: Ամուսինը հասցնում է արգելակել. կինը չարախնդում է.
- Ազգականներիդ կյանքը փրկեցիր:
- Հա, զոքանչս ու աներս էին:
- Դու 6 խնձոր ունես: Եթե կեսը տաս եղբորդ, քեզ քանի՞սը կմնա,- հարցնում է ուսուցչուհին:
- 5 ու կեսը:
Կինը զբաղված է, ու երեխային տանում է ամուսինը: Գնում են մի մանկապարտեզ.
- Նա մեր սանը չէ,- ասում են այնտեղ:
Գնում են ուրիշ մանկապարտեզ. երրորդը, չորրորդը` նույն մերժումը: Նստում են ավտոբուս` ուրիշ մանկապարտեզ փնտրելու: Աղջիկն անհանգիստ դիմում է հորը.
- Պապ, եթե մի մանկապարտեզ էլ մտնենք, ես դպրոցից կուշանամ:
Կրոնի ուսուցչուհին բացատրում է.
- Հիշե´ք, երեխաներ. նրանք, ովքեր այս առարկայից «4» կամ «5» ստանան, կգնան դրախտ: Իսկ ովքեր «2» ու «3» ստանան` կընկնեն դժոխք:
- Այսինքն ոչ մեկս դպրոցը չի՞ ավարտելու,- սարսափում է Շուշանը:
- Իմ տատիկն ու պապիկը շատ են սիրում պահմտոցի խաղալ: Առավոտյան տատիկը թաքցնում է օղին, ու եթե պապիկն այն գտնում է, ապա երեկոյան տատիկն է թաքնվելու տեղ փնտրում:
Ծերունին հեռուստացույց է դիտում:
- Պանդան ունենում է 16 ատամ, շնաձուկը` 100, մարդը` 32 ատամ,- ասում է հաղորդավարը:
Տղամարդը վեր է թռչում տեղից.
- Ուրեմն ես արդեն պանդա եմ: