900 կմ-անոց պատ` Սիրիայի սահմանին
Թուրքիայի նախաձեռնությունն է: Սիրիայի հետ ունեցած սահմանի մի հատվածում արդեն ավարտվել է բետոնե պատի շինարարությունը (այդ մասին հաղորդել է «Անադոլու» պետական գործակալությունը): Այն բարձրացվել է 3 մետր երկարություն և 4 մետր բարձրություն ունեցող բետոնե մեծ աղյուսներով: Պատի ընդհանուր երկարությունը 911 կիլոմետր է լինելու:
Պատի ողջ երկարությամբ տեղադրվում են 8 մետրանոց նորաոճ տեսողական աշտարակներ` հագեցած ծանր զենքերով և ազդանշանային ավտոմատ համակարգով:
Թուրքիայի իշխանությունները պնդում են, որ այդ կերպ Սիրիայի հետ սահմանին անվտանգության գոտի են ստեղծում` «ահաբեկիչներից» պաշտպանվելու համար: Ահաբեկիչներ ասելով էլ նկատի ունեն Իսլամական պետության ջիհադիստներին և քուրդ զինյալներին:
Ստացվում է, որ Թուրքիան վախեցա՞ծ է:
Վախենալու առիթներ նա շատ ունի, իհարկե: Գուցե նաև իր փաշաների հոշոտած դիակների ուրվականնե՞րը նրան հանգիստ չեն տալիս: Սա, իհարկե, խղճի հարց է, իսկ Թուրքիայի խիղճը ենիչերիների յաթաղանի ծայրին է:
Ու լավ է, որ վախենում է:
Եթե, իհարկե, վախենում է:
