ՀԱՎԱՏԱՐՄՈՒԹՅՈՒՆԸ ՔԱՂԱՔԱԿԱՆ ԿԱՏԵԳՈՐԻԱ ՉԷ
Մոլդովան «խլե՞ց» Հայաստանի հնարավորությունը
Օրեր առաջ Հայաստանի ու Մոլդովայի նախագահներն աշխատանքային այցով հանդիպել են Ղրղզստանում: Հանդիպման ընթացքում համակողմանիորեն քննարկվել են հայ-մոլդովական հարաբերությունները:
Այս հանդիպումը պատահական չէ: Բանն այն է, որ Մոլդովան ԵՏՄ-ում մասնակից երկրների ղեկավարների կողմից դիտորդ-պետության կարգավիճակ ստացավ: Սա այն դեպքում, երբ Մոլդովան ԵՄ-ի ասոցացման համաձայնագիրն է ստորագրել:
Հայաստանի պես Մոլդովան ևս ցանկանում է երկու լարի վրա խաղալ՝ կարգավորել իր հարաբերությունները ԵՏՄ-ի գլխավոր թելադրող Ռուսաստանի հետ, որի շուկաները փակ են մոլդովական ապրանքների համար: Ու ոչ ավելի, ոչ պակաս՝այս անգամ Մոլդովան հաջողեցրեց «խլել»ԵՄ-ի և ԵՏՄ-ի միջևկամուրջդառնալու Հայաստանիհնարավորությունը: Այս մասին Քիշնևի ներկայացուցիչը բաց հայտարարել է ԵՏՄ-ի խորհրդի նիստում:
Կարո՞ղ էր Մոլդովան չստանալ այդ տիտղոսը: Կարո՛ղ էր,բայց, հավանաբար, դիվանագիտական աշխատանքը, ավելի ինքնուրույն ու անկախ քաղաքականությունն իրենցդերն ունեցել են: Բայց եթե մեր ռազմավարական գործընկեր Ռուսաստանը չցանկանար՝ Դոդոնը հաստատ ձեռնունայն կվերադառնար և շատ կուրախացներ Մոլդովայի այն քաղաքական շերտերին, որոնք դեմ են ԵՏՄ-ի հետ կապեր հաստատելուն: Սա նշանակում է, որ Ռուսաստանն այս քայլով ևս մեկ անգամ ցույց տվեց, որՀայաստանի հետ ոնց էլ վարվեն, միևնույն է՝ նա անդավաճան երկիր է, կլռի, չէ՞որ նա մերն է ամբողջությամբ:
Ո՞րն է լուծումը: Շուտափույթ բարեփոխումներ իրականացնել Հայաստանում, տնտեսական զարգացում ապահովել, թուլացնել կախվածությունը դրսից, ինչը հնարավորություն կտա ազատ ու անկաշկանդ քաղաքականություն վարել: Հակառակ դեպքում հավերժ կմնանք կցորդի կարգավիճակում: