Ինչո՞վ էին զբաղված երեք նախագահները 25 տարի. ՆիկոլՓԱՇԻՆՅԱՆ
ՀԱԿ-ի ղեկավար, ՀՀ առաջին նախագահ Լևոն Տեր-Պետրոսյանն առժամանակ առաջ ասել էր, թե «Ելք» դաշինքի նախընտրական ծրագրի Արցախի մասին դրույթը նշանակում է, որ Արցախի հարցը երբեք չի լուծվելու, քանի որ ընդդիմադիր այդ ուժը հայտարարում է` Արցախի հարցում զիջումներ կլինեն, եթե Ադրբեջանը ճանաչի Արցախի ինքնորոշման իրավունքը:
«Ելք» դաշինքի անդամ, «Քաղաքացիական պայմանագիր» կուսակցության վարչության անդամ ՆիկոլՓաշինյանն այսօր հրավիրած մամլո ասուլիսում անդրադարձավ իրենց հասցեին ՀԱԿ-ի ղեկավար, ՀՀ առաջին նախագահ Լևոն Տեր-Պետրոսյանի հնչեցրած քննադատությանը:
-Եթե պարոն Տեր-Պետրոսյանը այդպես է մեկնաբանում մեր դրույթը, ուրեմն իր առաջարկով երբեք Արցախի ինքնորոշման իրավունքը չի ճանաչվելու,- ասաց Փաշինյանը:
Բանախոսը հիշեցրեց, որ Մադրիդյան երեք սկզբուքներից երկուսը Ադրբեջանը խախտում է` արհամարհում է ուժի չկիրառման և ազգերի ինքնորոշման սկզբունքները:
- Հետևաբար, եթե Ադրբեջանը չի ճանաչում Արցախի ժողովրդի ինքնորոշման իրավունքը, ի՞նչ զիջումների մասին է խոսքը: Բայց պարզ չէ, թե ինչ է զիջում Ադրբեջանը: Ազատագրված տարածքների վերադարձը նշանակում է` Ադրբեջանին մոտեցնել Ստեփանակերտին ու Երևանին,- ասաց պատգամավորի թեկնածուն:
Ըստ Փաշինյանի` եթե Լևոն Տեր-Պետրոսյանը խոսում է երկրի ռեսուրսներ իբացակայության մասին, հարց է առաջանում` իսկ ինչո՞վ են զբաղվել ՀՀ երեք նախագահները 25 տարի:
- Դե, թող ստեղծեին այդ ռեսուրսը,- նշեց «Ելք»-ի անդամը: