ԱԺ-ի  ընտրություններից հետո նոր խորհրդարանը, բնականաբար, պետք է  նոր կառավարություն ձևավորի: Ակնհայտ է, որ ՀՀԿ-ն, միանձնյա կարող է ղեկավարել, բայց երեկ հայտնի դարձավ, որ «նժդեհականները» կշարունակեն համագործակցել «հեղափոխականների»` ՀՅԴ-ի հետ:

Ասել է թե`  դաշնակցական նախարարները մտածելու ոչինչ չունեն: Մինչդեռ գործադիր մարմնի մյուս անդամներն առնվազն առաջիկա մեկ ամսում  շեքսպիրյան «մնա՞լ, թե՞ չմնալ», ավելի ստույգ`  «կմնա՞նք, թե՞ չենք մնա» հոգեվիճակում կլինեն:

Թեև նրանք ցանկություն ունեն շարունակել պաշտոնավարել,  բայց դատելով մի քանի նախարարների դեմքի արտահայտությունից` ակնհայտ է, որ անհանգստության «սեզոնը» նրանց համար պաշտոնապես բացված է: Չնայած, ինչպես առողջապահության նախարար Լևոն Ալթունյանն ասաց` «վեշերը» հավաքելոմասին դեռ խոսք չկա:

Ի դեպ, ըստ տեղեկությունների` վարչապետ Կարեն Կարապետյանը ոչ բոլորի աշխատանքից է գոհ, և չի բացառվում, որ պաշտոնանկությունների շարք սկսվի:

Հիշեցնենք, որ Կարեն Կարապետյանը նախընտրական հավաքներից մեկի ժամանակ ասել էր, թե փնտրում է լավ կառավարիչներ: