Ջրի հատակից բարձրանալու ժամանակն է
ՉՄՆԱԼ ՍՏՎԵՐՈՒՄ
Օրեր առաջ տեղեկություն հրապարակվեց, որ Համաշխարհային հայկական կոնգրեսի և Ռուսաստանի հայերի միության նախագահ Արա Աբրահամյանը Մոսկվայում նշել է իր ծննդյան 60-ամյակը: Նա ԱՄՆ-ից Մոսկվա է վերադարձել կարճ ժամանակով։ Նրա ծննդյան տարեդարձին, ըստ տեղեկությունների, մասնակցել են նաև հայաստանցի պաշտոնյաները:
Այս տեղեկությունը հետաքրքրական է այնքանով, որ Արա Աբրահամյանը անհետացավ քաղաքական դաշտից նախորդ տարվա հոկտեմբերին: Մինչ այդ խոսել էր քաղաքական նոր միավոր ստեղծել, բայց նախընտրական աշնանը ալամ աշխարհի հայերի նախագահը (ինչպես հումորով ասում են լրատվամիջոցները)ասաց, որ ինքը չզբաղվել պոլիտիկա:
Ու հիմա քանի որ արշալույսները խաղաղվել են՝ ընտրություններն անցել են, Արա Աբրահամյանը որոշել է ջրի երես դուրս գալ: Երևի, վերջնականապես հասկացել-համոզվել է, որ իր տեղը գործարար ոլորտն է:
Հիշեցնենք՝ վարչապետ Կարեն Կարապետյանի մասնակցությամբ ստեղծվեց ներդրողների ակումբ, որին մասնակցում են Ռուսաստանի մեր հայրենակիցները: Հավանաբար, Արա Աբրահամյանը որոշել է ետ չմնալ իր գործընկերներից, չմնալ ստվերում. առավելևս, ինչպես ինքն է ասում ՝ գիշեր-ցերեկ մտածում է հայ ժողովրդի դարդ ու ցավերի մասին: