Տեսնես՝ Սոլովյովը հիշո՞ւմ է սա
ԻՍԿ ՌՈւՍԱՍՏԱՆԻՆ ԾԱՆՈԹ ՉԷ՞ ԱՅՍ ԻՐՈՂՈւԹՅՈւՆԸ
Մեզ համար ցավոտ ու կորստաբեր 2020-ին ռուսաստանյան լրագրող, հեռուստա- և ռադիովարող, հրապարակախոս, հասարակական գործիչ, ռուսական քարոզչության կարկառուն ներկայացուցիչ Վլադիմիր Սոլովյովը գրել էր․
«Գնալով համոզվում եմ, որ ադրբեջանական դպրոցներում պատմության հետ գործերը լավ չեն։
Հենց նոր ինձ գրում է ադրբեջանցի լրագրող և ասում, թե բա 1918 թվականին մենք ենք հայերին տվել «Իրիվանը»։ Իրիվան ասելով` ի նկատի ունի Երևան քաղաքը։
Պատկերացնու՞մ եք՝ ադրբեջանցիները հայերին տվել են Երևանը։
Պատկերացրեք՝ ադրբեջանցիները հայերին տվել են մեր թվարկությունից առաջ կառուցված Երևանը, որն ավելի հին քաղաք է, քան Հռոմը։ Մեր թվարկությունից առաջ Ադրբեջան չի եղել, այդտեղ ադրբեջանցի չի եղել, բայց չգիտես ոնց՝ Երևանը եղել է ադրբեջանական։ Հետո՝ մոտ 2600 տարի անց՝ 1918 թվականին, ադրբեջանցիները մեծահոգաբար հայերին հանել և տվել են Երևանը։
Հիմա դիմում եմ նման հիմար մտքեր ասողներին․ հասկանում եմ, հաղթել եք, ոգևորվել եք, օգտվել եք Հայաստանում տեղի ունեցող իրադարձություններից, բայց հիմարությունները, թե Երևանը ադրբեջանական քաղաք է` ո՞վ է դրան հավատում։ Դուք ինքներդ ձեզ հավատու՞մ եք։ Վլադիմիր Սոլովյով»։
