Որքան էլ կասկածները անհիմն, պնդումներն էլ անհավանական համարվեին, անգամ որոշ թերթերում տպագրված ծանուցումներից հետո էլ, անհնարին էր թվում Ապրիլի 24-ը սեփական քաղաքական շահին ծառայեցնելու` հայրենի քաղաքական դաշտի հայտնի հատվածի մտայնությունը:

Տնտեսվարող սուբյեկտների հարկային և այլ պարտավորությունների ճշգրիտ ու ժամանակին կատարման հարցում Հանրապետության նոր ղեկավարության մոտեցումները նկատելիորեն առանձնանում են նախորդներից: Անկախ հնարավորություններից և շրջանառության ծավալներից` տրամաբանական չէ տնտեսավարողներին լիարժեքորեն օրինական դաշտ տեղափոխելը իշխանության հետընտրական դիրքորոշումների կոշտացմամբ պայմանավորելը:

Անցյալ շաբաթ, վկայակոչելով ապրիլի 25-ին «Ազատություն» ռադիոկայանին տված հարցազրույցում խորհրդարանական «Ժառանգություն» խմբակցության քարտուղար Ստեփան Սաֆարյանի արած «գաղտնազերծումը»` Րաֆֆի Հովհաննիսյանի միջնորդությամբ Սերժ Սարգսյանի ու Լևոն Տեր-Պետրոսյանի միջև հանդիպում կազմակերպելու մասին, վերջինիս գրասենյակը մամուլում հրապարակեց այդ չկայացած հանդիպմանն առնչվող երկու նամակ:

Առանց մեծ ջանքեր գործադրելու էլ կարելի է նկատել, որ Հայաստանը շրջապատված է աշխարհաքաղաքական` օր-օրի ավելի խճճվող թնջուկներով: Շարունակվում ու ժամանակ առ ժամանակ սպառնում է լեզվակռվի սահմաններից դուրս պրծնել ժողովրդավար ԱՄՆ-ի և մեր անմիջական հարևանի` իսլամական ֆունդամենտալիզմի օրրան Իրանի վեճը:

ՂԱՐԱԲԱՂՅԱՆ ՀԱԿԱՄԱՐՏՈՒԹՅՈՒՆԸ ԿԱՐԳԱՎՈՐԵԼԻՍ ՊԵՏՔ Է ՀԱՇՎԻ ԱՌՆՎԻ ԱԴՐԲԵՋԱՆԻ ՏԱՐԱԾՔԱՅԻՆ ԱՄԲՈՂՋԱԿԱՆՈՒԹՅՈՒՆԸ Ադրբեջանի արտաքին գործերի նախարար Էլմար Մամեդյարովը ընդունել է այցով Բաքվում գտնվող Եվրոպայի խորհրդի Նախարարների կոմիտեի նախագահ, Սլովակիայի ԱԳՆ ղեկավար Յան Կուբիշին:

Ամերիկաբնակ թուրքերի` Նյու Յորքում Հայոց ցեղասպանության փաստի դեմ կազմակերպած բողոքի ակցիան պսակվել է անհաջողությամբ` ցույցի նկատմամբ տեղի թուրքերի ցուցաբերած անտարբերության պատճառով:

ԱՎԱՆ համայնքում գործող թաղապետի մասին սիրով են խոսում բոլորը: Նրանցից մեկի ինքնաբուխ խոսքը, սակայն, ամփոփումը կարելի է համարել բոլոր կարծիքների. - Տարոնը իր հոր արժանի զավակն է:

Այս պարագայում կարծես խուճապային վիճակում է հայտնվել ադրբեջանական դիվանագիտությունը: Նրանց վերջին «նախաձեռնությունը» Մինսկի խմբի համանախագահներից Ֆրանսիայի ներկայացուցչին, Ռումինիայի կամ Լեհաստանի ներկայացուցչով փոխարինելն է:

ՀՀ պաշտպանության նախարար Սեյրան Օհանյանն ընդունեց Հավաքական Անվտանգության Պայմանագրի Կազմակերպության (ՀԱՊԿ) գլխավոր քարտուղարի տեղակալ Վալերի Սեմերիկովին: Հանդիպման սկզբում Վ.Սեմերիկովը շնորհավորեց Ս.Օհանյանին` պաշտպանության նախարարի պաշտոնը ստանձնելու կապակցությամբ:

Հայաստան աշխարհը բազմաթիվ ավարառուներ է տեսել, կոտորածների ենթարկվել£ Սակայն 5-6 դար առաջ այստեղ ներխուժած սև և սպիտակ բրդածածկով ոչխարների հոտերի անուններով կոչվող բարբարոսական խաժամուժը, որը հետագայում ցեղապետերից մեկի անունով օսմանցիներ, ապա և նվաստացուցիչ թուրք անվանվեց, սոված գայլերի էին նմանվում£ Այդ տարիներից սկսվեց տեղաբնակ հայերի զանգվածային կոտորածները, բռնությունները, հալածանքներն ու կողոպուտները£ Հայն իր հայրենիքում դարձավ օտար, գերի և ստրուկ£ Զանգվածային կոտորածների բնույթը համազգային դարձավ Առաջին համաշխարհային պատերազմի սկսվելուն պես£ Բնաջնջվեց Արևմտահայաստանի բնակչության մեծ մասը, մի մասն էլ սփռվեց աշխարհով£ Արևմտահայաստանի կոտորածների մասին ինչ¬որ չափով ասվել է և «Ցեղասպանություն» (հայերի) ասելով` հիշում ենք այդ տարածքի և այդ տարիների հայերի զանգվածային ու ծրագրված սպանդը£ Սակայն, դեռևս ոչ մի անգամ համապատասխան գերատեսչությունների, պաշտոնական անձանց կողմից չի հիշատակվել Հայաստանի անքակտելի մաս կազմող, պատմական Այրարատ աշխարհի 22¬րդ գավառ, Առաջին հանրապետության Երևանի նահանգի խոշոր գավառ (Շարուր-Դարալագյազ) Շարուրի հայ բնակչության կոտորածների, սպանդի ու ցեղասպանության մասին, որի արդյունքում կոտորվեց հայ բնակչության 70-80 տոկոսը և տարածքն էլ 1921 թ. մարտի 16¬ի ռուս-թուրքական պայմանագրով հանձնվեց ոճրագործին` որպես պարգև£ Եթե Խորհրդային կարգերի տարիներին այդ մասին համարյա թե բարձրաձայն խոսելը խստագույնս արգելված էր և հանցագործություն էր համարվում, ապա չափազանց տարօրինակ և զարմանալի է, որ Ազատ ու ինքնիշխան Հայաստանի Հանրապետության համապատասխան մարմիններն այդ մասին լռում են և դա այն դեպքում, երբ մեր հակառակորդը հազարումի ստերով, կեղծիքներով փորձում է մեզ վարկաբեկել£ Շարուրի հայ բնակչության կոտորածը շարունակվեց 1918-20 թվականներին£ Ահա թե ինչ է գրում «Ժողովուրդ» թերթը 1920 թ. հոկտեմբերի 20¬ի իր համարում. «…Հայերին (Շարուրի ¬ Ս. Ա.) հավաքում են Փարչի գյուղում£ Այնտեղ թուրքերը մերկացնում են հայերին քահանաների հետ և մարմնի վրա խաչ են քաշում տաքացրած շամփուրներով£ Երեխային մոր արգանդից հանում էին, առաջարկում հորը ուտել միսը£ …Թշվառ հայերն այնուհետև սկսվում են կերակրվել շան, կատվի ու մեռած մարդկանց դիակներով… հայերին սպանում են, միսը բերում ծախում հայերին£ Մոտավորապես 700 շարուրցիների տանում և Ալիշար գյուղի մոտ ձգում Երասխ£ 6400 հայերից հազիվ 300-350 մարդ կարողանում են փախչել£ Ներկայումս Շարուրի հայ գյուղերը հիմնահատակ են եղած և վերածված մոխրակույտերի»,¬ գրում է հոդվածագիր Միքայել Տեր¬Ավագյանը£ Փախստական շարուրցիների ժառանգները կազմակերպել են «Շարուր» հայրենակցական միություն, մայրաքաղաքում «Շարուր» անվամբ փողոց վերանվանել, շուքով նշել Շարուրի հերոսամարտի 80-ամյակը, հրատարակել «Շարուր» պատմաազգագրական ծավալուն գիրք, նաև հոդվածներով հանդես եկել մամուլում£ Սակայն դա չափազանց քիչ է£ Մենք համոզված ենք, որ Հանրապետության նորընտիր ղեկավարությունը, համապատասխան գերատեսչություններ և պաշտոնյաներ Շարուրի, Նախիջևանի նաև Արևելյան Հայաստանի այլ տարածքներում տեղի ունեցած ցեղասպանության, տարածքների բռնազավթման վերաբերյալ պահանջատիրությունը նույնպես կդարձնեն միջազգային ատյաններին հասու£ Ասենք, որ «Շարուր» հայրենակցական միության ընդհանուր համագումարը 1998 թ. սեպտեմբերի 28¬ին դիմել է Միավորված ազգերի կազմակերպության նախագահին, Ժնևի միջազգային դատարանին` ՅՈՒՆԵՍԿՕ-1921 թ. մարտի 16¬ի ռուս¬թուրքական պայմանագիրը անօրինական համարելու և Շարուրը իր իսկական տերերին, նրանց ժառանգներին վերադարձնելու մասին£ Այս բովանդակության դիմումներ է հղվել նաև ԱՄՆ նախագահին և մի շարք այլ պետությունների ղեկավարներին£ Սակայն մի բան է հասարակական կազմակերպությունների ձայնը, այլ` պետական պաշտոնական:

ԼԵՌՆԱՅԻՆ Ղարաբաղի ժողովրդի` 1988 թ. փետրվարին արտահայտած նախկին կամքը` դուրս գալ Ադրբեջանի կազմից և միավորվել Հայաստանի հետ, ԽՍՀՄ վերակառուցման հեղինակ Մ. Գորբաչովի կողմից որակվեց որպես քայքայիչ օրինակ բազմազգ Խորհրդային Միության համար:

Վերջին մի քանի տարիներին կոնկրետ տեղաշարժ է նկատվում մշակույթի, կրթության ու գիտության բնագավառներում դեռևս 1995-ին ՌԴ և ՀՀ կառավարությունների կողմից ընդունված համագործակցության Համաձայնագրի կենսագործման գործընթացում: Երկկողմանի պատրաստակամություն` հստակ ծրագրերի հիմնարար միջոցառումների հետևողական, ճշգրտված իրականացմամբ ամրապնդելու հասարակական-քաղաքական հայտնի իրադարձությունների մոլախոտերով խեղդված հիմնավուրց բարեկամության առողջ արմատները:

Արտառոց ոչինչ չեն ակնկալում «Սպեղանի» մանկապատանեկան երգչախմբի համերգն ունկնդրելու նպատակով Երևանի Կամերային երաժշտության տանը հայտնված հանդիսատեսները` հպանցիկ հայացքով ընդգրկելով սրահի մի անկյունում փակցված նկարները:

«Երեխաների մետաքսի ճանապարհը» խորագրով մանկապատանեկան արվեստի միջազգային մրցույթի հանրապետական փուլում ընդգրկված 271 աշխատանքները «Նարեկացի» արվեստի միության ցուցասրահում դիտելիս թվում է, թե ճանապարհորդում ես 5-16 տարեկան երեխաների երևակայած հեքիաթային աշխարհում: Ոչ միայն այն պատճառով, որ սեղմ ցուցադրությամբ ներկայացված գույնզգույն նկարների հիմնական թեման տարբեր հեքիաթներից է վերցված:

Ապրիլի 23-ին աշխարհի ավելի քան 100 երկրներում երեխաներն ու մեծահասակները փորձեցին սահմանել միաժամանակյա մեծագույն դասի մրցանիշ£ Այդ կերպ միլիոնավոր ծնողներ, ուսուցիչներ և երեխաներ կոչ արեցին իրենց կառավարություններին` աշխարհի բոլոր երեխաների համար ապահովել անվճար որակյալ միջնակարգ կրթություն£ Կոտայքի մարզի Քասախ բնակավայրի Արկադի Հովհաննիսյանի անունը կրող թիվ երկու միջնակարգ դպրոցը ևս սիրով միացել էր Հայկական Սահմանադրական իրավապաշտպան միության համընդանուր` «Դարձ դեպի դպրոց» կոչին£ Այդ ինքնատիպ և ուսանելի միջոցառմանը մեծ պատասխանատվությամբ էին վերաբերվել այս կրթօջախում£ Հայոց լեզվի ուսուցչուհի Լուսինե Սաֆարյանի, դպրոցի սաներ Արմինե Բեյբությանի և Անուշավան Պետրոսյանի ջանքերով ստեղծված պաստառներն ավելի ամբողջական և ընկալելի էին դարձնում դասի թեման£ Փոխտնօրեն Հասմիկ Մելքոնյանը, ով միջոցառման կազմակերպիչներից էր, ներածական խոսքով ազդարարեց դասի սկիզբը£ Մանկավարժներ Սուսաննա Խաչատրյանի, Ամալյա Արմենակյանի, Անահիտ Աղաջանյանի և Անահիտ Վարդանյանի վարած դասին ներկաները գոհունակությամբ ականատես եղան, թե ինչպես էին աշակերտները ակտիվորեն արձագանքում գրեթե բոլոր հարցադրումներին` տալով ամբողջական պատասխաններ. Ի՞նչ է համաշխարհային մրցանիշը, որո՞նք են կրթությանը նպաստող կամ խոչընդոտող հանգամանքները… Նրանք փորձում էին եզրահանգումներ անել, թե` ո՞ր դեպքերում են իրենց հասակակիցները զրկվում կրթություն ստանալու հնարավորութ յունից և բազմաթիվ առաջարկություններ էին անում, թե ինչպե՞ս կարելի է պայքարել անգրագիտության դեմ£ Համաշխարհային մրցանիշ սահմանող դասին ներկա էր նաև Կոտայքի մարզպետարանի աշխատակազմի կրթության, մշակույթի և սպորտի վարչության առաջատար մասնագետ Կարեն Սեդրակյանը£ Նա, կարևորելով համընդհանուր կրթության ապահովման նմանատիպ միջոցառումը, փաստեց. ¬ Շատ ուրախ եմ, որ ձեր մասնակցությունն եք բերել այս միջազգային իրադարձությանը£ Այդուհանդերձ, եթե փորձեինք տեղայնացնել խնդիրը, Հայաստանի համար կլիներ ոչ թե հանուն համընդհանուր կրթության, այլ` հանուն որակյալ կրթության£ Հիրավի, մեր հանրապետությունում հազվագյուտ երեխաների կարելի է գտնել, որ դուրս են մնում հանրակրթությունից, քանզի մեր պետությունը տարեցտարի ավելի շատ միջոցներ է տրամադրում համընդհանուր կրթությանը£ Շնորհակալություն եմ հայտնում դպրոցի տնօրինությանը` հանձին Համլետ Գևորգյանի, մանկավարժական կոլեկտիվին միջացառումը պատշաճորեն կազմակերպելու և մեծ դասին միանալու համար£ Ոգևորող ու անմիջական էր դպրոցի տնօրեն Համլետ Գևորգյանի խոսքը. - Թույլ տվեք տանտիրոջ իրավունքով շնորհակալություն հայտնել միջոցառման կազմակերպիչներին` փոխտնօրեն Հասմիկ Մելքոնյանին, մանկական կոլեկտիվի կազմակերպիչ Լուսինե Սաֆարյանին, այն բոլոր երեխաներին, ովքեր իրենց փոքրիկ ներդրումն ունեցան, որպեսզի մեր դպրոցը մեծագույն դասի մասնակիցը դառնա£ Թող աշխարհում խաղաղություն լինի, մեզ համբերություն` մեր դժվարին գործում£ Ունենանք դպրոցի նոր մասնաշենք և ավելի եռանդով աշխատենք£ Հ. Գևորգյանը անթաքույց հպարտությամբ խոսեց կրթօջախի մանկավարժների անմնացորդ նվիրումի մասին. Անուշ Ղարիբյան, Մարգարիտ Թեմուրյան, Հասմիկ Հովհաննիսյան£ Վարդուհի Հովհաննիսյան, Մարգարիտ Հովհաննիսյան և այլոք… Մարդիկ, ովքեր անտրտունջ ու համբերությամբ, զինվորագրվել են սերնդակրթության կարևորագույն գործին և, հաշվի չառնելով շենքային վատ պայմանները, իրենց գործն են կատարում£ Ի դեպ, երբ դեռևս ՀՀ վարչապետ Սերժ Սարգսյանը այցելել էր Քասախ, զոհված ազատամարտիկ Ա. Հովհաննիսյանի այրին նրան էր հանձնել դպրոցի նոր մասնաշենք կառուցելու խնդրանքով մի նամակ, և Ս. Սարգսյանը խոստացել էր լուծում տալ խնդրին£ Հուրախություն բոլորի` շուտով կսկսվեն դպրոցի նախագծային աշխատանքները£ Աշակերտները ուղերձով դիմեցին ՀՀ Կրթության, գիտության, մշակույթի և երիտասարդական հարցերի մշտական հանձնաժողովի նախագահ Հրանուշ Հակոբյանին և ՀՀ ԿԳ նախագահ Լևոն Մկրտչյանին£ :