ԹԱՓԱՌՈՂ ՄՏՔԵՐ
*Մրջյունների աշխատասիրության փառաբանությունը, բարեբախտաբար, դեռ չի հասել իրենց` մրջյուններին:
*Կմախքի տեսանկյունից` մարդն ամբողջապես ավելորդություն է:
*Ես ձեր օգնության կարիքը չունեմ. բայց եթե լինի, չի խանգարի:
*Եթե աշխատավարձդ չեն բարձրացնում, բարձրացիր հոգեպես:
*Երբ շատ ունես, քչով էլ կարող ես բավարարվել:
*Հասունությունն այն հասակն է, երբ ձեռք բերած իմաստությունը գերակշռում է ի ծնե հիմարությանը:
*Կարծում եմ` չեմ սխալվի, եթե ոչինչ չասեմ:
*Լավ չէ, երբ բոլորը խելոք են քեզնից. մեկը չկա, որի հետ կիսվես:
*Որդը կարծում է, թե ինքը խնձորի գերին է:
*Լավ գրել կարողանալու համար հարկավոր է գերազանց կարդալ կարողանալ:
*Երբեմն մեկի համեստությունը մեկ ուրիշի է զարդարում:
*Դուք կարծում եք հե՞շտ է միշտ ձեր մասին ճշմարտություն լսելը:
*Միևնույն լեզվով խոսողներն էլ հաճախ կարիք ունեն թարգմանչի:
*Ազնվությունն այն է, երբ գիտես, թե ինչ պետք է ասես, բայց ասում ես ճշմարտությունը:
*Հիշիր. լիցքավորում պետք է ոչ միայն մարտկոցներին:
*Սերը հետադարձ ուժ չունի:
*Ծերություն. սա մի՞թե նորի զգացում չէ:
*Առաջ ես մտածում էի միայն սիրո մասին: Այժմ միայն մտածում եմ:
*Սրամտությունը ծիծաղում է: Հումորը` ժպտում: Երգիծանքը կատակ չի հասկանում:
*Ոտքերը մարդուն տրված են, որ նա բարձրանա պաշտոնեական աստիճաններով, մարմինը, որ ծռվի, խոնարհվի, գլուխը, որ այդ բաներից խուսափի:
Պատրաստեց Նիկոլայ ՇԱՀՆԱԶԱՐՅԱՆԸ