Թե ինչ նկատի ուներ Տիգրան Թորոսյանը` ԱԺ խոսնակի իր պաշտոնից «հրաժարվելը» «ներքին քաղաքական հարցերում մեծամասնության հետ անհաղթահարելի տարակարծություններով» բացատրելը` երևի արդեն էական էլ չէ: Նրան կուսակցության այլ անդամով փոխարինելու խոսակցությունների առիթն էլ թերևս ինքնահնար էր:

Կովկասն այսօր հայտնվել է աշխարհաքաղաքական տարբեր բևեռների` Եվրամիության, Միացյալ Նահանգների, Ռուսաստանի շահերի հատման կիզակետում: Ռուս-վրացական հակամարտությունը քաղաքագետների մեծ մասը համարում են Արևմուտքի (ԱՄՆ) և Ռուսաստանի միջև Կովկասի համար մղվող պատերազմ:

Կիրակի, սեպտեմբերի 14-ին, ռուսական իրականության մեջ մեծ կշիռ ու հեղինակություն ունեցող քաղաքագետների մի խումբ մոսկովյան «ՀՁՀ» հեռուստաընկերության եթերում քննարկվում էր օգոստոսի 8-ից հետո աշխարհում ստեղծված նոր քաղաքական իրավիճակը:

Հարավկովկասյան հետօգոստոսյան զարգացումները Հայաստանի արտաքին քաղաքականությունից բացի, կարելի է ասել ներքաղաքական մթնոլորտի վրա նույնպես ազդեցություն ունեցան: Փոխվել է արմատական ընդդիմության պահվածքը:

Նախօրեին Հայ Ազգային Կոնգրեսի հանրահավաքը վերջնականապես փաստեց, որ քաղաքական ուժերի այս միավորումը այլևս կորցրել է իշխանափոխության հույսը: Իսկ ամեն մի հերթական հանրահավաք, լինի արտոնված, թե անարտոն, մասնակիցների թվական աճ չի արձանագրում:

Իր այս համոզմունքը ՌԴ արտգործնախարար Սերգեյ Միրոնովը հիմնավորում է երկու փաստարկով. ՆԱՏՕ-ի անդամ երկրների ցանկությունը` վերականգնելու Վրաստանի բանակը, վրացական ռազմական ներուժը վերակենդանացնելու ամերիկյան մտադրությունը:

Որ բամբասանքը քաղաքականության բաղկացուցիչ մասերից է` վաղուց անվիճելի իրողություն է: Թերևս կարելի էր կռահել նաև, որ Թուրքիայի նախագահի Հայաստան կատարած այցից հետո բամբասանքի քաղաքական ժանրը մեզանում կրկին արդիականանալու է:

Սփյուռքահայ գործընկերների հետ կապերն առավել գործնական հարթություն տեղափոխելու միտումների լավագույն վկայությունը կլինի վաղը կայանալիք համահայկա կան լրատվամիջոցների ղեկավարների համաժողովը` «Աշխարհի հետ մեր ինքնությամբ» խոսուն թեմայով:

ՀՀ պաշտպանության նախարար Սեյրան Օհանյանն ընդունեց ԵԱՀԿ-ում Հունաստանի նախագահությանն աջակցող աշխատանքային խմբի ղեկավար, դեսպան Նիկոլաոս Կալանցիանոսի գլխավորած պատվիրակությանը, որի կազմում էին նաև ԵԱՀԿ-ում Հունաստանի մշտական ներկայացուցիչ, դեսպան, տիկին Մարա Մարինակին, ԵԱՀԿ երևանյան գրասենյակի ղեկավար, դեսպան Սերգեյ Կապինասը, ԼՂ հակամարտության կարգավորման հարցերով ԵԱՀԿ գործող նախագահի անձնական ներկայացուցիչ, դեսպան Անջեյ Կասպրչիկը, Հայաստանում Հունաստանի արտակարգ և լիազոր դեսպան Իոաննիս Կորինթիոսը:

ՀՀ պաշտպանության նախարարի տեղակալ Արա ՆԱԶԱՐՅԱՆԸ ներկայացնում է «Պաշտպանության ռազմավարական վերանայման և բարեփոխումների» ծրագրում օրենսդրական ոլորտի բարեփոխումները Հայաստանի Հանրապետությունում պաշտպանական համակարգում բարեփոխումների նպատակներն ու տրամաբանությունը ենթադրում է նաեւ ոլորտի օրենսդրության շարունակական վերանայում եւ կատարելագործում:

Կյանքի հետ քայլող, նրա հետ բազմաթիվ թելերով կապված անհատականությունները փորձում են մարդուն մղել դեպի բարին, իսկ բարության մեջ տեսնել նրա իսկական ինքնությունը, կոչումը: Իսկ անհատականությունների գրչի տակ ազգի ոգին է շենանում:

Չկարծես թե պատահականորեն եմ գրում այս նամակը` քեզ: Այն երկար ժամանակվա ու կարոտի ծանրության տակից դուրս եկած տողեր են` անդրադարձումներ հոգեկան մեծ ապրումների:

- Երբ ԱրմենԹելին փոխարինեց օտարահունչ Բիլայնը, մի տեսակ թեթևացած շունչ քաշեցինք: Շտապեցինք թերևս:

«Մինաս, ես քեզնից մեծ եմ հիսուն տարով: Ափսոս, ինձ քիչ ժամանակ է մնացել:

Մեր հանրապետության մշակութային ներկայում առաջատարի դերն ամրապնդող փառատոնային համակարգում ինձ համար առաջնային նշանակություն ունեն վերահաստատմանն ու հանրաճանաչությանը միտվածները: Հոգևոր լիարժեք սնունդի պղտորված ակունքները մասսայական ռաբիսի «թունաքիմիկատներից» մաքրելու նպատակասլա ցությամբ առայժմ շահեկանորեն առանձնանում են երաժշտական փառատոները:

Թատերագետ, արվեստագիտության թեկնածու, պրոֆեսոր, Երևանի թատրոնի և կինոյի պետական ինստիտուտի արվեստի պատմության և տեսության ամբիոնի վարիչ Գրիգոր ՕՐԴՈՅԱՆ «Ամենամնայուն առեղծվածը կինն է» ¬ Ի՞նչն է եղել կյանքում ամենադժվարը Ձեզ համար£ - Ինձ համար կյանքում միշտ, և այսօր էլ դժվար է գործ ունենալ անպատասխանատու, անպարտաճանաչ մարդկանց հետ, և ես կարծում եմ, որ ապագայում էլ դժվարը դա է լինելու£ Իմ բարեբախտությունն է, թե դժբախտությունը, բայց պատասխանատվության զգացումը ոչ մի պահ չի լքում ինձ£ Մարդկանց այդ տեսակի հետ, եթե նույնիսկ փոխզիջման ես գնում, ինչ¬որ բաներ փորձում ես չնկատել, բայց միևնույն է բարդությունը չի վերանում£ Ուստի այդպիսի մարդկանց հետ շփվելիս` մշտապես դժվարություն եմ ապրում£ - Եթե ոչ հայ, ապա ո՞ր ազգի ներկայացուցիչ լինելը կնախընտրեիք - Այս հարցը, ըստ իս, ինչ¬որ չափով սերում է նախորդից£ Այդ առումով ունեմ գերմանական ճշտապահություն, պատասխանատվության գերմանական գիտակցում£ Թեև, երբեք ինձ չեմ պատկերացրել որպես գերմանացի. բացի հայից, որևէ այլ ազգի ներկայացուցիչ լինելս չեմ պատկերացրել£ Համակրելի է ինձ համար ֆրանսիացին, անգլիացին է շատ գնահատելի… - Ձեր կյանքի որևէ գաղտնիք կամ այն չասվածը, որ այսօր կբարձրաձայնեիք£ - Որքան էլ տարօրինակ թվա` այդպիսի գաղտնիք չունեմ և չեմ ունեցել£ Ես ուրիշի գաղտնիքը խիստ կպահեմ£ Դա իմը չէ,և ոչ էլ կարող եմ գաղտնազերծել£ Վերջին հաշվով ամեն ոք ունենում է գաղտնիքներ, բայց իմ բնավորությունը այնպիսին է, որ նման երևույթները միանգամից ցույց եմ տալիս` չպահելով հուշադարանի համար£ - Ի՞նչն է Ձեզ համար դեռևս առեղծվածային£ - Ինձ համար միշտ էլ առեղծվածայինը կինն է, որովհետև որքան էլ կնոջը ճանաչում ես, միայն թվում է, թե ճանաչում ես, և անվերջ լրացուցիչ նոր առեղծվածներ են հայտնվում£ Սա կյանքի այն հատվածն է, որն անընդհատ նոր անակնկալներ է քեզ մատուցում£ Այնուամենայնիվ, մի ուրիշ աշխարհ է, այլ համակարգի հետ գործ ունես. տղամարդկանց պարագայում մեկին մեկ պարզ է, բայց կնոջ դեպքում… Այնպես որ, մնայուն առեղծվածը կինն է£ - Որևէ զավեշտալի դեպք Ձեր կյանքից կամ սիրելի անեկդոտը£ - Սրամիտ պատումներ` թեկուզ ֆոլկլորային սիրում եմ, բայց առանձնապես օժտված չեմ զվարճախոսությամբ, իսկ մարդիկ կան` անեկդոտների ծով են£ Փոքրիշատե հետաքրքիր դեպք էր իմ առաջին հանդիպումը կինոյի հետ£ Նկարահանվում էր «Քաոս» ֆիլմը, որտեղ Արշակ էի խաղում£ Մի հատված պետք է նկարահանեին կայարանում, որտեղ ոստիկանը Արշակին բռնում է, որ Թիֆլիս չմեկնի և բերում է Սմբատին հանձնում£ Այդ դրվագը պետք է սկսվեր զանգով, իսկ հին կայարաններում գոնգեր կային£ Փնտրում են` չկա ու չկա£ Էսպես բավական ձգվեց նկարահանումը£ Վերջապես մի զանգ գտան, բերեցին, կախեցին, և խոշոր պլանով պետք է զանգը երևար£ Զանգին հարվածելն ու մեծ դժվարությամբ ճարված զանգի ընկնել¬կոտրվելը մեկ եղավ£ Երկու ժամ նորից ստիպված էինք որոնել. պատկերացնո՞ւմ եք մեր դրությունը£ :

Զբոսաշրջությունը պետության եկամտի աղբյուր լինելուց բացի նաև քաղաքակրթության չափորոշիչն է. եկվորին պատշաճ կերպով ընդունելու համար` տվյալ երկրի հասարակությունն էլ պետք է զարգացած լինի£ Հայաստանում նկատելի է զբոսաշրջությունը զարգացնելու միտումը, սակայն համակարգն իր ներկա վիճակով հազիվ թե որևէ մրցակցութան դիմանա£ Առավել ևս, որ զբոսաշրջիկները ստիպված են լինում բախվել տեղացիներիս համար արդեն սովորական դարձած կենցաղային, տրանսպորտային և առօրեական մյուս «խոչուխութերին»£ Դիցուք, աղբահանություն կոչվող «մանրուքը», որը չկարևորելու հետևանքով, հատկապես, մայրաքաղաքիս կենտրոնը երբեմն լքված մի գյուղաքաղաք է հիշեցնում£ Հայաստանի պատմամշակութային տեսարժան վայրերն այցելելուց հետո, արտերկրացին Երևանի փողոցներում կարող է հայտնվել այնպիսի գարշահոտ, աղտեղի հատվածում, որ դժվար թե մեկ անգամ էլ կամենա մեր երկիր գալ£ Վանող է նաև սպասարկման կուլտուրան£ Սննդօբյեկտներում երբեմն պատվեր ընդունելու համար մատուցողը մոտենում է 10-20 րոպե ուշացումով, դրանից ավելի երկար էլ հաճախ սպասեցնում են` պատվիրած սնունդը մատուցելու համար£ Դե, իսկ սննդացուցակում նշված տեսականին հաճախ մոռացված է նույնիսկ տվյալ ուտելավայրի աշխատակիցների կողմից£ Էլ չասենք` կիսամաքուր սպասքի մասին£ Մատուցողներից ոմանց համար էլ մասնագիտական առաջնահերթ խնդիրը թեյավճարն է. պատվերը մատուցելուց հետո մոռանում են իրենց հյուրերին, մինչդեռ սեղանը սպասարկման կարիք էլի ունի. օրինակ` դատարկ շշեր, ծխախոտի քնթուկներով լցված մոխրաման և այլն£ Առհասարակ սպասարկման ոլորտի որոշ ներկայացուցիչներ իրենց գործունեությունը չեն պատկերացնում առանց խաբեության, ինչի վառ ապացույցը առժամանակ առաջ հեռուստատեսությամբ օտարերկրյա մի դեսպանատան աշխատակցի ասածն էր. «Մենք տեսանք, թե ինչպես են հայերը մարդկանց խաբելուց հաճույք ստանում»£ Հետաքրքիր է, թե զբոսաշրջության գերատեսչությունը արդյոք ունի՞ հստակ պատասխանատվություն ու պարտավորություններ շրջագայողների հանդեպ£ Պե°տք է որ ունենա, եթե նույնիսկ այդպիսիք ամրագրված չեն օրենքում£ Տուրօպերատորներն էլ պետք է պատասխանատու լինեն գերատեսչության առջև, որպեսզի պատահական մարդիկ նմանատիպ գործունեություն չծավալեն£ Արտերկրից հյուր եկած ազգականիդ մի կողմից շտապում ես մայրաքաղաքի նորակերտ Հյուսիսային պողոտան ցույց տալ, մյուս կողմից էլ խնդրում ես` նստացուցավոր ներին հատուկ ուշադրություն չդարձնել, մանավանդ` չլուսանկարել` հնարավոր աղմուկից խուսափելու և վերջիններիս կասկածամտությունը չհարուցելու համար (կարող էին ասել չէ՞, որ գաղտնի գործակալներ են` հատուկ ծառայություններից)£ Հետընտրական զարգացումների ազդեցությունը ոլորտի վրա այլ կերպ էլ է դրսևորվել£ Հայաստանի ներգնա տուրօպերատորների միության նախագահ Ռոբերտ Մինասյանի իրազեկմամբ` մարտիմեկյան իրադարձություններից հետո` գրեթե մեկ ամիս Գերմանիայի, Ճապոնիայի, Հոլանդիայի արտգործնախարարություններն իրենց քաղաքացիներին հայտնել են, որ Հայաստանում նրանց անվտանգությունը չեն երաշխավորում£ Գուցե սա է՞լ է եղել հատուկ քաղաքականություն£ Ամեն դեպքում, դրությունը շտկելու անհրաժեշտությունը հետևողականություն է պահանջում£ Բարձիթողիության դեմ պայքարում հարկ է ուշադրություն դարձնել ամեն ինչին` սկսած հայատառ, հայեցի գովազդներից, մանրուք թվացող, բայց մեծ նշանակություն ունեցող ուղեցույցներից£ Եվ կարծում ենք` առաջիկայում ձևավորվելիք` Սփյուռքի նախարարության գործունեությունն էլ, անշուշտ, կնպաստի զբոսաշրջության զարգացմանը, քանի որ այսօր զբոսաշրջիկների ճնշող մեծամասնությունը սփյուռքահայեր են£ Իսկ Սփյուռքի նախարար Հրանուշ Հակոբյանը ստանձնած բոլոր պաշտոններում քանիցս ապացուցել է` աշխատասիրությամբ ու հետևողականությամբ նպատակին հասնելն է իր գործելաոճը£ :

Ժնևյան համաձայնագիրը` թիրախ Ռազմական հանցագործները Անկախ լրատվամիջոցները փորձում են փոքրիշատե անկողմնակալ մեկնաբանություններով ներկայացնել վրաց¬ռուսական ռազմական բախման բուն մեղավորներին£ Եվ բոլոր դեպքերում կարևորվում է, թե ո՞վ սկսեց պատերազմը£ 1992¬ից Վրաստանում չեն դադարել ընդհարումները, փոխհրաձգություններն ու սադրանքները£ Այդ ամենը, սակայն, պատերազմ չի անվանվել£ Բայց ահա 2008¬ի օգոստոսի 8¬ին Ցխինվալիում կրակոցներն սկսել են ոչ թե ինչ¬որ «անհայտ անձինք», այլ` պետությունը, այն էլ` զանգվածային ոչնչացման զենքերով ու ի°ր տարածքներում£ Չէ՞ որ Վրաստանը մինչ օգոստոսի 8¬ը և այսօր էլ Հարավային Օսիան համարում է իր տարածքը. ասել է թե` «Գրադ»¬ի կրակահերթեր ուղղելով Ցխինվալիի վրա, նա ռազմական հանցագործություն է կատարել£ Ժնևյան համաձայնագրի (որը ստորագրել է նաև Վրաստանը) Լրացուցիչ Արձանագրությունը վերաբերում է «միջազգային բնույթի զինված բախումների զոհերի պաշտպանությանը» և դրա գլխավոր պահանջն, ասես, հենց Վրաստանի կառավարության ու Հարավօսական հակակառավարական զինուժերի բախման նկարագիրը լինի£ Իրար չհանդուրժող այդ երկու ուժերը, ծայրահեղ դեպքում, թող կրակեին միմյանց վրա, որքան փամփուշտները կբավարարեր£ Սակայն նրանց բախումների տարածքում քաղաքացիական անմեղ ու անպաշտպան մնացած բնակչություն կար, որը չպետք է զոհաբերվեր` հանուն ինչ¬որ սահմանադրական կարգավորման£ Ի դեպ, Ժնևյան համաձայնագրի բաժիններից մեկն այդպես էլ վերնագրված է` «Քաղաքացիական անձինք և քաղաքացիական բնակչությունը»£ Հոդված 50¬ի պահանջով` եթե խաղաղ բնակիչների շարքում նույնիսկ հակառակորդ կողմի ազատամարտիկներ կան, չի կարելի բնակչության հետ վարվել այնպես, ինչպես զինված թշնամու հետ£ Խաղաղ բնակիչները մնում են օրենքի պաշտպանության ներքո£ Հոդված 51¬ի պահանջով` «Քաղաքացիական բնակչությունը, ինչպես նաև առանձին քաղաքացիական անձինք չպետք է դառնան հարձակումների օբյեկտ£ Անտարանջատ բնույթի հարձակումները, որոնց ընթացքում որպես միասնական ռազմական օբյեկտ են համարվում միմյանցից բացահայտորեն պաշտպանված ու իրարից տարբերվող մի շարք զինվորական օբյեկտներ, որոնք տեղակայված են քաղաքում, գյուղում կամ այն շրջանում, ուր կենտրոնացված են քաղաքացիական անձինք կամ քաղաքացիական կառույցներ. այն հարձակումները, որոնք ենթադրում են քաղաքացիական բնակչության կյանքերի կորուստներ, քաղաքացիական անձանց վերքեր ստանալը և քաղաքացիական կառույցների վնասները… Հենց սա էլ կատարվել է£ Իհարկե, նույնը կարելի է ասել (և ասում էլ են) և Չեչնիայում ռուսների գործողությունների մասին£ Սակայն հիմա արդեն կարևորը դասեր քաղելն է և պատասխանատվութ յունից խուսափել չկարողանալը£ Ամենավտանգավոր ախտը հանցագործին արդարացնելը կամ անպատիժ թողնելն է£ Այդ ախտը տենդի պես կարող է ուրիշներին էլ համակել£ :

«Վրացական Յուշչենկոն էլ իր Տիմոշենկոն ունի»` սրամտում են ռուսական աղբյուրները£ Ռուսաստանի հետ պատերազմում Վրաստանի պարտությունը սասանեց Սահակաշվիլու դիրքերը` իր իսկ երկրի ներսում£ Դեռևս օգոստոսին նրանց պատասխանատվության կանչելու պահանջ ներկայացրին ոչ միայն ընդդիմադիր քաղգործիչները, այլև երբեմնի զինակիցները£ Պատերազմից անմիջապես հետո Վրաստանի քաղաքական վերնախավն աչքի ընկավ աննախադեպ միասնականությամբ£ Երբեմնի անհաշտ հակառակորդներ ընդդիմութ յունն ու իշխանությունը հրովարտակ ստորագրեցին` հանուն «պետականության պահպանման»£ Իհարկե, դրա ներքոստորագրյալների թվում շատ չէին ընդդիմադիրները, բայց նրանք երկրի նախագահի դեմ ակտիվ գործողություններ էլ չէին ծավալում£ Սահակաշվիլուն ժողովրդական սատարումը նույնպես աննախադեպ էր£ Սակայն ընդամենը մեկ ամիս անց վրա հասավ «սթափեցումը»£ Ընդդիմադիր «Հանրապետական» կուսակցության առաջնորդ Դավիթ Ուսուպաշվիլին ռուսական լրատվամիջոցներին ասել է. - Մենք գտնում ենք, որ Սահակաշվիլին կոպտագույն սխալներ է թույլ տվել երկրի կառավարման գործում և այն հասցրել աղետի£ Անջատողականների տարածքների հիմնախնդիրը ռազմական ճանապարհով լուծելն անթույլատրելի էր£ Ռուսաստանի հետ պատերազմն իսկական անմտություն էր£ Անհրաժեշտ էր աշխարհին խաղաղ միջոցներով ցույց տալ Ռուսաստանի հարձակողական մտադրությունները, և Մոսկվային թույլ չտալ հարձակվել. չէ՞ որ դեռևս այս տարվա գարնանը Կրեմլը բացահայտորեն զինում էր Աբխազիային ու Հարավօսիային£ Լեյբորիստական, «Նոր աջեր» կուսակցությունները, ինչպես նաև «Վրաստանի միացյալ ընդդիմություն» դաշինքը նույնպես քննադատել են գործող վարչակարգը£ Իր ծանրակշիռ խոսքն է ասել և «վարդերի հեղափոխության առաջնորդուհի» Նինո Բուրջանաձեն£ Թերևս կանացի իր բնազդով կանխազգալով Սահակշվիլիի տապալումը` նա դեռ մայիս ամսին խզեց կապերը վերջինիս թիմի հետ և հեռացավ գործող իշխանությունից£ Եվ հիմա պահանջում է ռուսաստանի հետ պատերազմի անկախ հետաքննություն£ ¬ Ես ուզում եմ իմանալ, թե ինչ է տեղի ունեցել պատերազմի սկզբում,¬ հայտարարել է «վրացական քաղաքականության երկաթյա լեդին»£¬ Հայտնի չէ, թե արդյո՞ք դա ընդամենը պատասխան էր ռուսաստանյան սարդանքներին£ Եթե երկիրն այսպիսի ողբերգություն է ապրել, ապա մարդիկ իրավունք ունեն ճշմարտությունն իմանալ£ Նա արդեն հայտարարել է սեփական կուսակցությունն ստեղծելու մասին և չի թաքցրել, որ այն Սահակաշվիլիի մրցակիցն է լինելու£ Օգոստոսի վերջին ԱՄՆ նրա այցից հետո, բոլորը միաբերան խոսում են, որ հենց Նինո Բուրջանաձեն էլ փոխարինելու է Սահակաշվիլուն. Վաշինգտոնի բարեմաղթությամբ, իհարկե£ Ի դեպ, վրացական «Տիմոշենկոն» վերջին 1 ամսում երկու անգամ հասցրել է «հարսնատեսի» մեկնել Նահանգներ, ուր հանդիպել է նաև փոխնախագահի թեկնածու Բայդենի հետ£ Արդ, Վրաստանի գործող նախագահի ամենաուժեղ հակառակորդ Բուրջանաձեն ասել է, որ Ռուսաստանի հետ հարաբերությունները ծայրաստիճան կարևոր են իր երկրի համար. ¬ Մենք հարևաններ ենք և չենք կարող 50 տարի սպասել նոր մերձեցման£ Այսուհանդերձ, նա շարունակում է պնդել, թե հստակ ապացույցներ կան, որ Ռուսաստանի բանակը մտադրվել էր հասնել մինչև Թբիլիսի£ Իսկ Արևմուտքից ակնկալում է ինչ¬որ պատժամիջոցներ` Ռուսաստանի դեմ. դիցուք` ազատ առևտրի և պարզեցված կարգով մուտքի թույլտվության սահմանափակում£ Ինչ վերաբերում է ընդդիմությանը` նրա առաջնահերթ ծրագիրը խորհրդարանում մեծամասնություն կազմելն է£ - Մենք հանդես ենք գալիս գարնանը արտահերթ ընտրություններ անցկացնելու պահանջով,¬ ասել է Դ. Ուսուպաշվիլին£¬ Դա թույլ կտա ամրացնել իշխանության օրենսդիր թևը, և վերին պալատում կթուլացնի իշխող կուսակցության ներկայությունը£ :

Այո, ՄԱԿ¬ի Զարգացման ծրագիրը Վրաստանի նախագահին ամսական 1500 դոլար է վճարել£ Inner City Press¬ի հաղորդմամբ` այդ ֆինանսավորմանը միացել են շվեդական կառավարությունն ու Ջորջ Սորոսը. նպատակը եղել է` «օգնել վրաց ղեկավարությանը` անհրաժեշտ քանակով աշխատակիցներ ունենալ, ինչպես նաև հաղթահարել պաշտոնյաների` Կաշառք վերցնելու ցանկությունը»£ Նման աջակցության դիմաց Սահակաշվիլին խոոստացել էր բարձրացնել երկրում գանձվող հարկերի ցուցանիշը£ Ա¯յ քեզ կաշառակերության դեմ պայքար և երկրի «զարգացման» նպաս¯տ£ Բայց շարունակենք. Նույն` ՄԱԿ ԶԾ-ն պարզել է, որ, ինչպես մեջբերում է Inner City Press¬ը, վրաց նախագահին, վարչապետին ու խորհրդարանի նախագահին ուղարկված 1500¬ական, նախարարներին հատկացված 1200¬ական և փոխնախարարներին տրված 700-ական դոլարների առաքումն իրականացվել է Վրաստանում բարեփոխումների ծրագրի շրջանակներում£ Դրա համար ստեղծվել է աշխատավարձի հավելման հիմնադրամ, որը ֆինանսավորվել է սորոսյան «Բաց հասարակություն» ինստիտուտի (1 միլիոն դոլար), ՄԱԿ ԶԾ¬ի (500 հազար դոլար) և շվեդական կառավարական` միջազգային զարգացման համագործակցության գործակալության (1 մլն դոլար) կողմից£ :

Յալթայում իր մենահամերգում Ֆիլիպ Կիրկորովը պարծենում էր, թե ի¯նչ մեծամեծեր են եկել իրեն լսելու և հանկարծ անսպասելի մի հայտարարություն է արել. շուտով ինքն ամուսնանում է և` - Իմ կինը լինելու է… Ալլա Պուգաչովան: Եվ մեր հարսանիքը կայանալու է նույն տեղում, նույն ժամին: