ԱՎԱՆԳԱՐԴԻԶՄՆԵՐ

Հեգեմոնիայի փոխարեն` հիպերտոնիա ու տախիկարդիա Ըստ քաղաքագետների` այսպիսի ջղաձիգ քաղաքականությամբ տարածաշրջանում Թուրքիան կարող է հասնել ոչ թե հեգեմոնիայի, այլ քրոնիկ «հիպերտոնիայի»£ «Տիպիկ» արևմտյան կեցվածք Նույնիսկ ադրբեջանցի պրոֆեսորը խոստովանում է, որ Ադրբեջանը տիպիկ արևելյան բռնապետություն է. բայց նավթագազային «խումհարի» մեջ գտնվող Արևմուտքը «տիպիկ ժողովրդավա րական» ոճով այդ մասին չի բարձրաձայնում£ Անցում կոշտ դիվանագիտության Սերժ Սարգսյանի վերջին ելույթներից պարզ դարձավ, որ Թուրքիայի հանդեպ ֆուտբոլային դիվանագիտությունից անցում է կատարվել ռեգբիական դիվանագիտության£ ՀՀ նախագահի ինքնավստահ տոնից կարելի է բխեցնել, որ նա պատրաստ է նաև «ըմբշամարտային» քաղաքականության£ Ալիևին սպառնում է թուլամտությունն ու ընկնավորությունը Միջազգային բժշկական ասոցիացիան տեղեկացրել է Ալիևին, որ շարունակական կեղծարարությամբ զբաղվելն առաջ է բերում ինֆանտիլիզմ (թուլամտություն), իսկ ամեն չափ ու սահման անցնող սուտասանությունը` էպիլեպսիա (ընկնավորություն)£ Կառավարության բացատրական բառարանից ԵՐԱՇՏ ¬ Երաշ(խավորված) տ(եղատվություն)£ Բարգավաճման փոխարեն Չեբուրաշկայի ելույթի նմանությամբ Մենք աճեցինք ու աճեցինք, Եվ վերջապես գնԱՃեցինք£ Արարեց ու ավիրեց Անցյալ տարի գյուղՆԱԽԱՐԱՐՈՒԹՅՈՒՆԸ ՆԱԽ«ԱՐԱՐԵՑ» գյուղատնտեսությունը և իսկույն ավիրեց£ «Խառնակիչ» Ռուսաստանը Արևմուտքը կրկին փորձեր է անում, որ «Նաբուկոն» փյունիկի պես մոխիրների միջից հառնի, բայց Ռուսաստանի սիրտը դրանից, հաստա´տ կխառնի£ «Պայքար աբորտի դեմ» նշանաբանով Անցյալ տարեվերջին ձվի դեֆիցիտի պատճառներն ուսումնասիրող հանձնաժողովը եզրակացրել է, որ այդ երևույթի հիմքում «ընկած» է հավերի անառակաբարո վարքը և մասսայական աբորտի հանգամանքը£ Արդարանալուց հե˜շտ բան... Համաշխարհային մեծ ճգնաժամը, Դաժան երաշտը, թռչնագրիպը, Մեր ոչխարների հոծ արտագաղթը, Փնթի խոզերին հնձող ժանտախտը, Համաճարակը, վատ եղանակը… Ահա որտեղից «կոտրած տաշտակը»… Ձուն դարձել է խորհրդանիշ Ժողովուրդը` կառավարությանը Դուք հարցնում եք, թե յուրաքանչյուրիս քանի ձու է պետք` երջանկության համա՞ր£ Ընդամենը` երկու£ Դրա համար էլ խնդրում ենք թույլ չտալ, որ մեզ հարվածեն գոտկատեղից ներքև£ ԼՂ հիմնախնդրի լուծման բանալին Աֆրիկայում է Հայաստանի արտգործնախարարությունը առաջարկել է ԵԱՀԿ Մինսկի խմբի համանախագահողներին` իրենց հերթական այցը կատարել ոչ թե Հարավային Կովկաս, այլ Հարավային Սուդան, քանզի այնտեղ է «թաքնված» ԼՂ հիմնախնդրի լուծման բանալին£ :

ՈՐՏԵՂ` ՈՆՑ

Իր երդմնակալության արարողության ժամանակ արդեն չորրորդ անգամ նախագահ ընտրված Լուկաշենկոն իրեն հռչակել է նաև Ռուսաստանի Դաշնության նախագահ: Ավելին, նա իրեն համարել է Ռուսաստանի առաջին նախագահ և պահանջել սրբագրել Ռուսաստանի ներկա պատմության դասագրքերը:

Հատված` Բանակի օրվա առթիվ Նախագահ Սերժ ՍԱՐԳՍՅԱՆԻ շնորհավորական ուղերձից

.... Այսօր մեր ժողովրդի բոլոր հատվածները հպարտությամբ են արտասանում «Մեր անունն է հայկական բանակ» նախադասությունը: Այդ բանակն անցավ ծանր կորուստների ու փառավոր հաղթանակների ուղի, որ, մեծ հաշվով, մեր երկրի ու ազգի նորագույն պատմության ուղին է:

Վլադիմիր ԳԱՍՊԱՐՅԱՆ. «Իմ սիրելի» մարտական ընկերներ` երեկվա, այսօրվա, վաղվա...»

Հայոց Բանակը 19 տարեկան է£ Ճիշտ` մեր Հայրենիքի անառիկության երաշխավոր այն զինվորների տարիքին, ովքեր առնականության այբուբենն են սերտում կամքի կոփման դարբնոց ՀՀ Զինված ուժերում£ Իսկ չափահասությունն ամրապնդող յուրաքանչյուր տարին խորհրդանշական է յուրովի£ Ծառայությունն, իհարկե, ամենօրյա տոն չէ` զինվորների ու սպաների մշտամնա ուղեկից£ Բայց հենց դժվարություններն են մարզում տոկունությունը, ինքնահաղթահարումով է ամրացվում միտքն ու մարմինը£ Այս ճանապարհին, ինչ խոսք, մեր զինվորները միայնակ չեն£ Թե´ նրանք, թե´ նրանց ծնողներն ու ողջ հասարակությունն արդեն տեղյակ են (համենայն դեպս` հնարավորություն ունեն տեղյակ լինել), որ ամենայն բծախնդրությամբ վերահսկվում է երկրիս ապավեն այս կառույցը£ Անձամբ Պաշտպանության նախարարի հրահանգով ու հսկողությամբ£ Բանակի կազմավորման ակունքներից նրա շարքերում է այսօր արդեն Պաշտպանության փոխնախարար, գեներալ-մայոր Վլադիմիր ԳԱՍՊԱՐՅԱՆԸ` հայ զինվորի դաստիարակության խնդիրներով մտահոգ և բանակում տեղի ունեցող հանցագործությունները կանխելու, կատարված դեպքերն ու միջադեպերը բացահայտելու գործում իր մեծ ավանդը ներդրած£ - Ձեր գնահատականը, խնդրում եմ, այն կառույցին, որի կայացման պատասխանատուներից եք Դուք£ - Բոլորիս տոնն է Հունվարի 28¬ը£ Տոն, որը լավագույն առիթ է` ոգևորելու և ոգևորվելու£ Ընդունված կարգ է£ Բայց ամեն ինչից ավելի ես կարևորում եմ բանակի ղեկավարության և զինվորների կամքը, որի արդյունքում մենք արձանագրում ենք դինամիկ զարգացում£ Այո, մեր բանակն այսօր գնահատում եմ որպես կայուն առաջընթաց ապրող կառույց` բարեփոխումների անկասելի ու անշրջելի ընթացքով£ Այն իսկապես առողջ օրգանիզմ է` ծագող (թերևս` նաև անխուսափելի) թերություններն ընթացքում շտկող, նոր մոտեցումներից չխուսափող, նոր մտածելակերպ ու սկզբունքներ առաջ քաշելուց չվախեցող£ Կարծում եմ` սա արդեն իսկ գնահատանք է£ Մեր բանակը, թերևս, ամենակայացած կառույցն է£ Եվ չմոռանանք, որ այնտեղ ծառայում և աշխատում է մեր հասարակության լավագույն մասը. խոսքս, իհարկե, հատկապես սպայական կազմին է վերաբերում£ Ինչո՞ւ` լավագույն£ Որովհետև պատերազմական այս պայմաններում եթե քաղաքացին սպայական ուսադիր է կրում, արդեն իսկ նրա մարդկային որակները գրեթե անքննելի են£ Եթե նկատեցիք` ես չասացի «ոչ պատերազմ, ոչ խաղաղություն», այլ նշեցի «պատերազմական իրավիճակ», որովհետև մենք իրականում պատերազմի մեջ ենք£ Տեսնում ենք, թե ինչ է կատարվում սահմաններում, լսում ենք մեր հակառակորդ հարևանների զազրախոսությունները… Մի խոսքով, այս իրավիճակում ուսադիր կրող անձը, համոզված եղեք` ունի հայրենասեր, իր երկրի համար կյանքը զոհաբերելու պատրաստ մարդու որակ, ինչը ես մարդկային լավագույն տեսակն եմ համարում£ - Քիչ առաջ Դուք էլ ակնարկեցիք թերությունների անխուսափելիությունը, և իրականում էլ անպատկերացնելի է լիակատար «անթերի» ասվածը` ցանկացած բնագավառում. այլ խնդիր է` թերությունների դեմ պայքարի լիարժեքությունը£ Այսուհանդերձ, կա՞ն, լինո՞ւմ են կատարյալ բանակներ£ Եթե` այո, ապա ո՞րն է դրա չափանիշը£ - Աշխարհիս երեսին գոյություն չունի կատարյալ ոչինչ, այդ թվում և` կատարյալ բանակներ չկան£ Ողջ տիեզերքում միակ կատարյալն ու անչափելի ճշմարիտը մեր Տեր Հիսուս Քրիստոսն է, Բարձյալ Աստված և Սուրբ Հոգին£ Մեր պարագայում` խնդիրը ոչ թե կատարյալ, այլ կատարելության ճանապարհով գնացող բանակ ունենալն է£ Ոչ մի փորձությունից չվախեցող, ցանկացած փորձություն դիմագրավելու պատրաստ, առաջընթացի ուղիով ընթացող, անվերջ բարենորոգվող բանակի մասին է խոսքս£ Եվ ասեմ, որ այսօր աշխարհի ամենաուժեղ բանակներից պակաս չէ մերը£ Ինչ¬որ տեղ նույնիսկ` հայրենասիրության առումով, մենք շատ ու շատ առաջ ենք` ճանաչված շատ բանակներից£ Որովհետև մենք` մեր սպան ու զինվորը, ունենք ոգի£ Որովհետև անգամ ենթագիտակցորեն գիտակցում ենք, որ այս իրավիճակում այլ ընթացք ունենալ չենք կարող, քան կատարելագործվելն ու որակական փոփոխություն ապրելն է£ Փոքր¬ինչ ուրիշ հարց է` կատարյալ զենք, կառավարման հագեցած համակարգ (կոմպյուտերիզացված և այլն) ունենալը£ Ինձ կներեք` եթե դա ևս ես կատարյալ չհամարեմ£ Կարծում եմ, որ նույնիսկ այդ տեխնոլոգիաներին տիրապետող, այդ սխեմաներով աշխատող հզորագույն բանակներն էլ կատարելագործման շա˜տ երկար ճանապարհ ունեն անցնելու£ Իսկ ոգեղենի և հայրենասիրության առումով մենք շատ առաջ ենք` անգամ կատարյալ համարվող կամ կատարելությանը մոտ բանակներից£ Ավելին, ա´յս տարածաշրջանում նորագույն զենք¬զինամթերքից ավելի կարևոր է ոգեղեն, հայրենասեր լինելը£ Հավելումն` կրկնեմ, ու դա բոլորին է տեսանելի` մենք առաջընթացի, բարեփոխումների ճանապարհին ենք, ճշմարիտ ուղիով ենք գնում ու այդպես էլ պետք է շարունակենք£ - Իսկապես, բոլորին է տեսանելի£ Հատկապես վերջին շրջանում, երբ Բանակի ղեկավարությունն ինքն է առաջինը բարձրաձայնում համակարգում տեղի ունեցող անցանկալի միջադեպերի մասին և հետևողականորեն իրազեկում է բացահայտումների ընթացքը` վերականգնվել է ժողովրդի հավատը Զինված ուժերի հանդեպ£ Ի դեպ, մարդիկ յուրահատուկ սիրով ու խանդաղատանքով են վերաբերվում Հայոց բանակին` հայ զինվորին ու սպային£ Ամենակարևորը` Պաշտպանության նախարարությունից տարածվող տեղեկատվությունն այլևս ընկալվում է որպես հավաստի ու անկողմնակալ£ - Փոքր¬ինչ չհամաձայնելով ասվածի առաջին մասի հետ` նշեմ, որ մենք միշտ արձագանքել ենք կատարված միջադեպերին, միշտ էլ ի հայտ ենք բերել հանցանք¬զանցանքներն ու դրանք ծնող պատճառները և միշտ մտահոգվել ու աշխատել ենք կանխարգելման ուղղությամբ£ Պարզապես` այսօր որոշակի առումով մենք ավելի բաց ենք հասարակության առջև£ Եվ դա, կարելի է ասել` շնորհն է Պաշտպանության նախարարի£ Բայց խնդրի մեկ այլ կողմն էլ կա£ Հաճախ մենք ստիպված ենք լինում պարզաբանումներ տալ ոչ թե կոնկրետ գործերի համար, այլ արձագանքել¬հերքել տարածվող զազրախոսություններն ու բամբասանքը, որը որոշ լրատվամիջոցների համար աշխատաոճ, ապրելաձև, մտածելակերպ է դարձել, իսկ շատ քաղաքական գործիչների համար` կենսակերպ ու ինքնահաստատման եղանակ£ Այսպիսիներին ոչ թե դեպքերն ու երևույթներն են մտահոգում, այլ իրենց անմաքուր նպատակին հասնելու մղումը£ Մենք նրանց արարքների և´ տողատակն ենք տեսնում, և´ պատվիրատուներին£ Վաղուց արդեն ժամանակն է, որպեսզի չարախոսները սթափվեն, իսկ մենք արժանապատվորեն արհամարհենք նմաններին և շարունակենք խոնարհությամբ այն գործը, որի համար կանչված ենք£ - Ի՞նչ կասեիք հայ զինվորին£ - Հայ զինվորներին, հայ զինվորականներին կասեի. իմ սիրելի նախկին, այսօրվա և վաղվա մարտական ընկերներ, խոնարհությամբ ու ոգևորությամբ ծառայեք մեր Հայրենիքին£ Մի´ կանգնեք տեղում. ոչ մի հաջողություն վերջնական չի´ լինում. չի´ կարելի ծուլացնել միտքն ու բազուկը, այլ անվերջ առաջ գնալ է պետք` ամրապնդելով և´ ոգեղենը, և´ կարգապահությունը£ Ձեզանից յուրաքանչյուրը մեր ապագայի կրողն է, և Աստված ձեզ բոլորիդ պահապան թող լինի ու իր շնորհներով ողողի ձեզ` իմ սիրելի մարտական ընկերներ` երեկվա, այսօրվա և վաղվա£ Թ. ՂՈՒԿԱՍՅԱՆ Վերջին շրջանում բազմիցս բարձրացվել ու քննարկվել են մեր Զինված ուժերում տեղ գտած թերացումներին, դրանց վերացմանը, ինչպես նաև բանակում կարգապահության մակարդակի բարձրացմանն ուղղված աշխատանքներին, և, իհարկե, կատարված ու կատարվելիք բարեփոխումներին վերաբերող հարցեր£ Հնչել են տարբեր կարծիքներ, սակայն Հայոց բանակի` հասարակության ուշադրության կենտրոնում մշտապես գտնվելը, ինչու չէ, նաև տեղին, արդարացի քննադատությունը բնական է և օրինաչափ£ Չէ՞ որ խոսքը վերաբերում է մի կառույցի, որը կոչված է պաշտպանելու մեր երկրի սահմանների անառիկությունը, ապահովելու մեր անվտանգությունը և ժողովրդի խաղաղ կեցությունը£ Փոխգնդապետ Վահագն Ասատրյանի կարծիքով` բանակի նկատմամբ բացասաբար տրամադրվելը պարզապես հանցագործություն է. - Թերություններ կան` ինչպես ցանկացած համակարգում£ Բանակը բարդ կառույց է£ Հնարավոր չէ այդքան մեծ թվով մարդիկ մի վայրում գտնվեն, և ոչ մի թերություն չլինի£ Դա ժամանակի խնդիր է£ Թերությունները վերացնելու ուղղությամբ լուրջ աշխատանքներ են տարվում£ Ոչինչ չի կարող խոչընդոտել մեր բանակի կայացմանն ու զարգացմանը£ Իսկ բանակի վրա բացասաբար անդրադարձող, ինչպես նաև հասարակության մեջ զինված ուժերի նկատմամբ անվստահություն սերմանող ամենավտանգավոր երևույթը փոխգնդապետը համարում է որոշ լրատվամիջոցների կողմից կեղծ կամ չափազանցված տեղեկատվության տարածումը£ - Հատկապես կուզենայի առանձնացնել համացանցով տարածվող տեղեկատվությունը, քանի որ այն հասանելի է ամբողջ աշխարհին£ Եթե կան միջադեպեր, պետք չէ դրանց մասին խեղաթյուրված տեղեկատվություն հրապարակել£ Եթե կարող են` թող փորձեն բարձրացնել մեր զինվորների, անձնակազմի մարտական ոգին, իսկ միջադեպերով զբաղվում են համապատասխան մարմինները,¬ ասում է փոխգնդապետը£ 2010¬ը, հիրավի, կարելի է համարել թերությունների շտկմանն ուղղված աշխատանքների, բարեփոխումների տարի£ Թափանցիկության արդյունքում առավել ակնհայտ են այս կառույցում կարգուկանոնի մակարդակը բարձրացնելու ուղղությամբ արվող հաստատուն քայլերը, որոնցում շեշտադրվում են հատկապես դաստիարակության խնդիրները£ Ինչպես նշվում է Պաշտպանության նախարար Սեյրան Օհանյանի տարեմուտի ուղերձում` անցած տարում զգալի առաջընթաց է գրանցվել հատկապես ռազմակրթական բարեփոխումների գործընթացում£ Ռազմահայրենասիրական դաստիարակության ոլորտն այս տարի ևս ՊՆ ղեկավարության ուշադրության կենտրոնում է£ Անշուշտ, դրականը, կատարվող բարեփոխումների արդյունքները տեսանելի են և օրեցօր ավելի ակնհայտ են դառնում£ ՀՀ Տավուշի զինվորական կոմիսար, փոխգնդապետ Դերենիկ Պապյանը տեղեկացնում է, որ զորակոչից զորակոչ ծառայությունից խուսափողների թիվը կտրուկ նվազել է£ Արտերկրում բնակվող մեր շատ համերկրացիներ վերադառնում և զորակոչվում են Հայոց բանակ£ Տարվող աշխատանքների արդյունավետության մասին է վկայում նաև զինվորական կոմիսարի փոխանցած այն փաստը, որ 2010 թ. աշնան զորակոչի ժամանակ պատանիների և նրանց ծնողների հետ անհատական առանձնազրույցներ են կազմակերպվել, որոնց ընթացքում քննարկվել են զորակոչվող զինակոչիկների հոգեբանական և ֆիզիկական պատրաստության աստիճանին, ինչպես նաև ծագած ու ծագող այլ խնդիրների լուծմանն ուղղված հարցեր£ Բանակը հասարակության «միկրոպատկերն» է£ Արդյոք ի՞նչ է անում այսօր հասարակությունը բանակի համար, ի՞նչ «հումք» է տրամադրում£ Հատկապես ո՞ր օղակներն են թերանում, ի՞նչ է արվում, որպեսզի ավելի պատրաստված լինի նորակոչիկը£ - Անշո´ւշտ, մեծ անելիք ունեն կրթական օջախները£ Դեռ դպրոցական, նույնիսկ ավելի վաղ տարիքում պատանու մեջ պետք է սերմանել պետության, բանակի գաղափարը, հայրենասիրության դասեր տալ, ծանոթացնել մեր պատմությանը, լավ ու վատ հարևաններին£ Բայց ամենամեծ դերը, անկասկած, ընտանիքինն է, քանի որ այստեղ են ձևավորվում մարդու թե´ լավ, թե´ վատ որակները£ Կան տղաներ, որ, գալով, բանակ, փորձում են «ինքնահաստատվել», որից էլ բխում են վեճեր, իրար չհասկանալու դեպքեր£ Այսինքն` դա չի ծնվում բանակում, գալիս է դրսից, բայց բանակի վրա էլ բացասաբար է անդրադառնում,¬ ասում է փոխգնդապետ Վահագն Ասատրյանը£ *** Հասարակությունն ունի իր անելիքը, յուրաքանչյուրս ունենք պատասխանատվության մեր բաժինը` որպեսզի հայ զինվորն ավելի ուժեղ լինի, Հայոց բանակը` անպարտելի£ Նրանք մեր եղբայրներն են, մեր զավակները, ուրեմն` մտահոգվենք, բայց ոչ որպես պահանջատեր, այլ որպես ծնող, քաղաքացի£ Ինչպես ասվում է Պաշտպանության նախարար Սեյրան Օհանյանի տարեմուտի ուղերձում. «Ազգը հոգեբանորեն ու ֆիզիկապես պիտի պատրաստ լինի ցանկացած պահի համազգային բանակի վերածվելու»£ Սատարենք, թև ու թիկունք լինենք մեր զինվորներին, տանք նրանց այն անսպառ ու հզոր հոգևոր ուժը, որը միայն մենք կարող ենք տալ£ :

ՀԱՂԹԱՀԱՐԵԼ ՈՒ ՀԱՂԹԱՀԱՐԵԼՈ´Ւ Է

ԱՅՈ, մեր բանակն ամենակայացածն է տարածաշրջանում, և Հունվարի 28¬ն այն քիչ տոներից է, որը լիարժեքորեն ու առանց վերապահումների նշելու իրավունքը զինվորից մինչև գեներալ, շարքային քաղաքացուց մինչև երկրի գլխավոր գերագույն Հրամանատար` վաղուց են վաստակել£ Ազգային բանակը կենսունակ օրգանիզմ է, ու ինչպես աշխարհի ցանկացած այլ երկրի զինված ուժերում, հայկականում նույնպես ամեն ինչ ցանկալիի չափ անթերի չէ£ Հատկապես անցյալ տարի գրանցված անցանկալի միջադեպերը համակարգի պատասխանատուներին ակնհայտորեն լրջագույն եզրակացությունների են մղել£ Թերևս Հայոց բանակում տեղ է զբաղեցրել նաև ներքին թշնամին. միջին օղակներում հայտնված առանձին հրամանատարների գործունեությունը վերջնահաշվում համարժեք է արտաքին թշնամու պահվածքին£ Նրանց մեծ մասը մեկ տարի առաջ այս օրն իր անձնանպաստ ու անհանդուժելի գործունեության դափնիներին էր դեռևս նիրհում£ Հիմա արդեն նմանների ազատազրկումը նրանց կեցության միակ ու անփոխարինելի կարգավիճակն է դարձել£ Ուստիև այսպիսի մարդկանց հանդեպ ցուցաբերված անհանդուրժողականությունից անհրաժեշտ դասեր պետք է քաղեն բոլորը` չկասկածելով, որ ցանկացած սայթաքում իրենց նույնպես երբեմնի գործընկերների ճակատագրին է արժանացնելու£ Նմանների պատճառով նախորդ տարին Հայոց բանակի համար մասամբ փորձությունների տարի դարձավ£ Ինչ խոսք, ցանկացած փորձություն միշտ էլ հաղթահարել է ռազմի բոցերում ծնված ու թրծված մեր Զինուժը£ Հաղթահարել ու հաղթահարելու է` շնորհիվ հայրենասեր, իրենց գործի նվիրյալ բազմահմուտ բարձրագույն հրամկազմի և, իհարկե` ՀՀ պաշտպանության նախարարի ու նրա տեղակալների£ Ի վերջո, պատմությունն անգամ չի հիշում մի դեպք, երբ կենդանի ու կենսունակ որևէ բանակում իսպառ բացառվեն կորուստներն ու թերությունները£ Իսկ տվյալ դեպքում նշանակալին արդեն առարկայացող, կոնկրետ գործերի վերածվող նախաձեռնողականությունն է, շարքերը մոլախոտից զտելու պատրաստակամությունը, կտրուկ քայլեր ձեռնարկելու համարձակութ յունը և անուրանալի պատվախնդրությունը£ Իրողություններ, որոնք հույսի ու մեծագույն լավատեսության սկզբնաղբյուրն են£ Իսկ տոնական օրվա առթիվ հնչող շնորհավորանքներն ու մաղթանքները միմիայն այս ամենի համադրմամբ, յուրաքանչյուրիս բերած բարոյական աջակցությամբ կարող են կյանքի կոչվել£ :

1-2 ՊԱՐԲԵՐՈՒԹՅԱՄԲ

Ֆինանսների նորանշանակ նախարարն օրերս հայտարարեց, թե ընթացիկ տարվա գնաճը 5 կամ առավելագույնը 5,5 տոկոսից չի անցնելու£ Ըստ էության` սույն կանխատեսումը բավական համարձակ կարելի է համարել, քանի որ գնաճի կատաղի վերելքի ու նոր թանկացումների բոլոր նախապայմանների առկայության պարագայում տվյալ դեպքում չափազանց համեստ թիվ է մատնանշվում£ Ընդ որում, չարժե անտեսել, որ նոր¬նոր ավարտված 2010¬ի ընթացքում, նույն պաշտոնական տվյալներով, գները մեր հանրապետությունում գերազանցել են 9 տոկոսի սահմանագիծը£ Կարծել, թե պաշտոնական համարվող տվյալներն իրականությանը քիչ են առնչվում, այնքան էլ ճիշտ չի լինի£ Միգուցե այս միջինացված թիվը ստվերում է շարքային քաղաքացու այն պահանջմունքները, որոնց համար նա ավելի հաճախ է վճարում£ Այսուհանդերձ, գնաճի թիվը, այն էլ համապատասխան պաշտոնյայի կողմից աչքաչափով «կիսելը», նույն տրամաբանությամբ կարող է տարածվել այն ամենի վրա, ինչը մարդիկ առավել շատ են կարևորում£ Ավելի հավանական է, որ գները Հայաստանում հասել են մի մակարդակի, ինչն այլևս անգերազանցելի կարելի է համարել£ Մանավանդ, որ միջին աշխատավարձի 6,7 տոկոսանոց աճին զուգահեռ, նախորդ տարվա ընթացքում «թանկացումների հաշվին» մեր հայրենակիցներն ավելի շատ կորցրել են` աղքատացել£ Աշխատավարձի աճի և թանկացումների տոկոսների համադրումը հուշում է, որ երկրորդ ցուցանիշը գերազանցել է առաջինին, ու նման պարադոքսալ իրավիճակում և´ բնակչության եկամուտներն են աճել, և´ (ու ավելի շատ) ծառայությունների գները£ Ի դեպ, նման անոմալիա մեր հանրապետությունում վերջին անգամ 13 տարի առաջ էր արձանագրվել£ :

Բանակը պետք է դառնա հասարակության օրինակելի մասը

Մեր ժամանակներում և հատկապես մեր անհանգիստ տարածաշրջանում անհնար է որևէ պետության գոյությունն` առանց մարտունակ զինված ուժերի:

Մեր անունն է հայկական բանակ...

«Փոքր ազգերը պարտադրօրեն աւելի հայրենասեր պիտ լինեն, քան մեծերը, մենք` աւելի` քան բոլորը» £ Գ. ՆԺԴԵՀ Հայոց բանակը` մեր զորեղ բռունցքը, մեր Հայրենիքի խաղաղության երաշխավորը 19 տարեկան է£ Դյուրին չի եղել նրա կազմավորման և կայացման ուղին£ Արցախյան գոյապայքարի բովում թրծվելով` բազում դժվարությունների հաղթահարման գնով ձևավորված կառույցն այսօր ամենահզոր, կայացած, կազմակերպված և ամենամարտունակ բանակն է տարածաշրջանում£ Դա անժխտելի իրողություն է. և մեծ հաղթանակ` մեր ժողովրդի նվաճումը£ Մեր բանակի հզորությունը, մարտական ոգին առաջին հերթին պայմանավորված են յուրաքանչյուր զինվորի ուժով, հաստատակամությամբ որդեգրած արժեքներով, հայրենիքը պաշտպանելու պատրաստակամությամբ, ինչպես նաև կարգուկանոնով, խստությամբ, բարեխիղճ աշխատանքով£ Բանակի տոնի նախօրյակին Արարատի մարզի երկու զորամասերի զինծառայողներն իրենց բարեմաղթանքներն ու շնորհավորանքն են հղել Հայոց բանակին£ Զինծառայող Գոռ ԱԹՈՅԱՆ, 18 տ., ք. Երևան - Բանակի 19-ամյակի կապակցությամբ շնորհավորում եմ բոլոր զինծառայողներին, սպայական կազմին£ Ցանկանում եմ անփորձանք ծառայություն£ Թող ուժեղ լինեն, ամուր լինեն թե´ կամքով, թե´ բազուկներով£ Մեր բանակն էլ թող ավելի հզորանա և ապահովի մեր խաղաղությունը£ Հպարտ եմ, որ ծառայում եմ Հայոց բանակում, քանի որ ունենք կազմակերպված բանակ£ Զինծառայող Գոռ ՄՆԱՑԱԿԱՆՅԱՆ, 19 տ., ք. Արտաշատ - Հպարտ եմ, որ ծառայում եմ Հայոց բանակում£ Դրա շնորհիվ պահպանում եմ առաջին հերթին իմ ընտանիքը, հետո` հայրենիքս, որովհետև հայրենքը հենց ընտանիքից է սկսվում£ Մեր բանակին մաղթում եմ ավելի հզոր ու կայուն ընթացք և զարգացում£ Զինծառայող Ժիրայր ԳՐԻԳՈՐՅԱՆ, 21 տ., ք. Երևան - Բոլորին շնորհավորում եմ բանակի օրվա կապակցությամբ£ Հայոց բանակում ծառայելը մեծ պատիվ է£ Ես հպարտ եմ, որ այսօր ծառայում եմ ու պաշտպանում մեր երկրի սահմանները£ Զինծառայող, Վարդան ՀԱՅՐԱՊԵՏՅԱՆ, 19 տ., ք. Երևան - Հպարտ եմ, որ ծառայում եմ Հայոց բանակում, ծառայելով` համոզվում եմ, որ մեր բանակը շատ ամուր է պահպանում հայրենիքի սահմանները£ Շնորհավորում եմ բոլորիս տոնի կապակցութ յամբ£ Զինծառայող Վահե ԿԱՐԱԳՅՈԶՅԱՆ, 19 տ., ք. Սիսիան - Ցանկանում եմ բանակի 19-ամյակի կապակցությամբ շնորհավորել բոլորին, իմ զինակից ընկերներին£ Մենք հպարտ ենք, որ պաշտպանում ենք մեր երկիրը, մեր ընտանիքների համար ենք ծառայում£ Զինծառայող, Սմբատ ԱՎԵՏԻՍՅԱՆ, 19 տ., ք. Մարալիկ - Շնորհավորում եմ բոլոր զինվորներին` մեր բանակի օրվա կապակցությամբ£ Ես մեծ հպարտությամբ եմ ծառայում, քանի որ ուժեղ բանակ ունենք£ Զինծառայող Արտյոմ ԹՈՐՈՍՅԱՆ, 19 տ., ք. Մարտունի - Հպարտ եմ, որ ծառայում եմ Հայոց բանակում, քանի որ այն ամենաուժեղն է տարածաշրջանում, հպարտ եմ, որ ծառայում եմ իմ հայրենիքին£ Մեր բանակին մաղթում եմ նոր ձեռքբերումներ£ Զինծառայող Հայկազ ԴԱՎԹՅԱՆ, 18 տ., ք. Վանաձոր - Կցանկանայի առաջին հերթին շնորհավորել մեր սահմանները պահպանող զինվորներին£ Նրանց ավելի ծանր և պատասխանատու աշխատանք է հանձնարարված£ Ցանկանում եմ, որ մեր բանակն ավելի հզորանա և ավելի մարտունակ լինի£ Տոնդ շնորհավո´ր, Հայոց բանակ£ Հպարտ ենք, որ հզոր ես ու ամուր£ Նոր ձեռքբերումներ, հաջողություններ ու հաղթանակներ կռի´ր£ Բազկիդ` ուժ, անվեհեր Հայ զինվոր. դու ես քո երկրի պաշտպանը£ :

2. «ՁՏտՏսՖ-Ծ» շարժական համալիրի առավելությունները և թերությունները

(Սկիզբը` նախորդ համարում) «Երկիր¬երկիր» կարգի, քարշակներով տեղաշարժվող միջմայրցամաքային միջուկային «ՁՏտՏսՖ» հրթիռների արձակման մեկնարկային սարքավորումը մի ինքնավար «ցամաքային նավ է», որը փոխարինում է մասնագիտացված մեքենաների մի ամբողջ շարասյան, ինչն անհրաժեշտ է բալիստիկ հրթիռների արձակման համար£ Այն կարող է դիմակայել ոչ հեռավոր միջուկային պայթյունների էլեկտրամագնիսային իմպուլսներին£ «ՁՏտՏսՖ-Ծ» համալիրը կարող է սխալ ուղղորդել իր դեմ ուղղված բոլոր միջոցներին` քողարկման ցանցերով ծածկված կեղծ նպատակակետ-մակետների և դիրքերի միջոցով£ Որպեսզի երաշխավորված ոչնչացնեն իրենց տեղաշարժման շրջաններում գտնվող հրթիռները (իսկ դրանք հազարավոր կմ2¬ներ են), հակառակորդը պետք է միաժամանակյա հարվածներ հասցնի այդ տարածքներին` շախմատաձև հաջորդականությամբ հարյուրավոր միջուկային մարտագլխիկներով£ Դա, իհարկե, կարելի է անել. միայն թե սեփական հարվածի հետևանքներից և դրան հաջորդող «միջուկային ձմռանից» կոչնչանա նաև հարձակվողն ինքը£ Բացի այդ, «ՁՏտՏսՖ-Ծ»¬ը շատ արագաշարժ հրթիռ է£ Նրա հետագծի «թափավազքի» հատվածը, որտեղ ողջ ուժով աշխատում են նրա քառաստիճան շարժիչները, շատ կարճ է` հակառակորդի հակահրթիռային պաշտպանության արբանյակների համար հնարավորինս աննկատելի և անխոցելի լինելու համար£ Այն սարքավորված է նաև փոքր հզորության շարժիչներով, որոնք մարտագլխիկը նետում են դեպի, այսպես ասած, թափառող թռիչք` է´լ ավելի նվազեցնելով դրան խոցելու հավանականությունը£ ԽՍՀՄ մասնատումից հետո ՌԴ-ն զրկվեց հանքահորային ծանր հրթիռների մեծ մասից£ Այդ հորերն ընդունակ էին դիմանալու անգամ մոտերքում պայթած միջուկային ռումբի հարվածին և կարող էին ծառայել դեռ երկար տարիներ£ Դրանք կարելի էր հուսալիորեն պաշտպանել և ծածկել օդից` ՀՕՊ համակարգով` չեզոքացնելով կայծակնային օդային հարձակման միջոցով դրանց ոչնչացնելու ցանկացած պլան£ Փոխարենը նրանք այժմ ունեն երկաթբետոնով չպաշտպանված «ՁՏտՏսՖ-Ծ» հրթիռներ, որոնց կարելի է օդային հարվածներ հասցնել թեթև անգարներում, կանգառներում կամ շարժման ժամանակ£ «ՁՏտՏսՖ-Ծ»¬ը, որպեսզի խուսափի հակառակորդի անսպասելի հասցված առաջին հարվածից ոչնչանալու սպառնալիքից, պետք է անընդհատ շարժվի£ Բայց ինչպե՞ս£ Ճանապարհազուրկ վայրերում այս ու այն կողմ չես անի£ «ՁՏտՏսՖ-Ծ»¬երը, որոնց բանակում կոչում են «սողուններ», բարձված են անվավոր քարշակների վրա, որոնք շարժվում են բետոնե սալաքարերով շարված ճանապարհներով£ Սակայն, կառուցված լինելով դեռևս խորհրդային ժամանակներում, դրանք հաշվարկված էին ավելի թեթև շարժական համալիրների համար£ Այսօր այդ հրթիռների ծանրությունից ճանապարհներն աստիճանաբար դառնում են դժվարանցանելի, շատ տեղերում սալաքարերը վեր են բարձրացել ու թեքվել. ի վերջո, կդառնան պարզապես անանցանելի£ Արդյունքում` Ռուսաստանի այդ վերջին ցամաքային հրթիռներն իրենց կայանման վայրերում կհայտնվեն շրջափակման մեջ, որտեղ նրանց հեշտությամբ կարող է ծածկել թևավոր հրթիռների հարվածը£ Հակառակորդի ռազմա¬օդային ուժերի մշտական առաջընթացը, անտեսանելի ինքնաթիռների և քիչ նկատելի անօդաչու թռչող սարքերի ի հայտ գալը հսկայական ծախսեր կպահանջեն` «ՁՏտՏսՖ-Ծ»¬երի պարեկության վայրերում նորագույն կործանիչներով, զենիթա¬հրթիռային համալիրներով, ղեկավարման համակարգչային կետերով և ամենաժամանակակից ռադարներով հագեցած ՀՕՊ համակարգեր ստեղծելու համար£ Այնպիսի համակարգեր, որոնք ունակ կլինեն տեսնել անընդհատ կատարելագործվող «ստելս» տիպի ամերիկյան ինքնաթիռները£ Այլապես հակաօդային պաշտպանությունը կփլուզվի, և այդ անտեսանելի մեքենաները աննկատ կթափանցեն ռուսական օդային տարածք£ Իսկ հետո պարզապես «ՑՏտՏսՖ»¬ները որսի դուրս կգան` դրանց ցած բերելով հենց մեկնարկի պահին£ Առաջին անգամ «ՁՏտՏսՖ-Ծ» համալիրների մարտական հերթապահությունը 2006 թ. դեկտեմբերի սկզբին էր£ 2009 թ. ապրիլից շարժական «ՁՏտՏսՖ-Ծ» համալիրների արտադրությունը դադարեցված է£ 2010¬ի հունվարի դրությամբ ՌԴ¬ում կան 49 հանքահորային տեղակայման և 18 շարժական նման համալիրներ£ - Ռազմավարական նշանակության հրթիռային զորքերն այլևս չեն գնելու «ՁՏտՏսՖ-Ծ» շարժական հրթիռային համալիներ£ Դրանց փոխարինելու են ժամանակակից շարժական PC-24 «շՐր» համալիրները,¬ 2010 թ. նոյեմբերի 30¬ին հայտարարեց ՌԴ ՌՆՀԶ¬ի հրամանատար, գեներալ-լեյտենանտ Սերգեյ Կարակաևը£ Ըստ էության, դա «ՁՏտՏսՖ-Ծ» համալիրի կատարելագործված տարբերակն է, որը զինված է PC-24 բաժանվող մարտագլխիկներով հրթիռներով£ Նորագույն եռաստիճան միջմայրցամաքային բալիստիկ PC-24 «շՐր» հրթիռներն առաջին անգամ օդ բարձրացան 2007¬ին£ Այն իր գլխամասային հատվածում ունի հարվածի տարբեր ուղղություններով 3-4 մարտական հանգույցներ£ ՌՀԱ-2 (CHB-2) պայմանագրի ժամկետը լրանալուց հետո, որն արգելում էր բազմալիցքային հանքահորային տեղակայման բալիստիկ հրթիռների ստեղծումը, Մոսկվայի ջերմատեխնիկայի ինստիտուտն աշխատում է «ՁՏտՏսՖ-Ծ» համալիրն անհատական ուղղորդման բաժանվող մարտագլխիկներով նոր հրթիռներով սարքավորելու վրա£ :

Առանց արյան հարստությունների վերաբաշխում չի լինում…

Հայաստանում տեղից վեր կացողը խոսում է…սոցիալական արդարությունից: Այդ մասին խոսում է նաև…վարչապետ Տիգրան Սարգսյանը:

ԱՆԿԵՂԾՈՒԹՅԱՆ ԹԵԼԱԴՐԱՆՔԸ

Թեև ՀՀԿ¬ն ու ԲՀԿ¬ն յուրաքանչյուրն իր հերթին ամեն առիթով հերքում են փոխադարձ հակասությունների և ուր որ է` պայթելիք բացեիբաց միջկուսակցական հակամարտության մասին լուրերը, այդուհանդերձ, նշված ուժերին հակամարտություն վերագրող պնդումները չեն դադարում£ ԱԼՄ¬ական կարճաժամկետ բումն, իհարկե, փոքր¬ինչ ստվերեց ներքաղաքական թիվ 1 հարցը դառնալ միտող այս թեման£ Սակայն այլևս չգործող հեռուստաընկերության շուրջ արդեն մարող ցասումը դարձյալ արդիականացնում է ՀՀԿ¬ԲՀԿ` այդպես էլ չկայացած հակամարտության հրահրումները£ Չի բացառվում, որ հաջորդ շաբաթ կայանալիք` «Բարգավաճ Հայաստանի» համագումարը սառը ջուր լցնի հակասությունների առարկայացումը երազողների գլխին£ Սակայն այդ ջուրը, դեռ տեղ չհասած, կարող է գոլորշիանալ, եթե այս առումով իր հիմնական անելիքներն ու խնդիրները (առնվազն մինչև առաջիկա խորհրդարանական ընտրություններն ընկած ժամանակահատվածում) տեղի ունենալիք համագումարը չհստակեցնի£ Այնպես որ, Գագիկ Ծառուկյանը հաստատելու կամ, ավելի հավանական է, վերջնականապես հերքելու է ամիսներ շարունակ թմբկահարված անիրական ու մինչև անգամ անհավանական հակասությունների թեման£ Ի վերջո, մի բան է կուսակցական առանձին գործիչների հարցազրույցներում ներկայացվող տեսակետները, բոլորովին այլ` համագումարում հնչելիք ԲՀԿ առաջնորդի հաստատուն-վերջնական հայտարարությունները… Իսկ մինչ այդ բավական հետաքրքիր է սկզբում ենթադրությունների, իսկ ավելի ուշ որոշակի պնդումների տեսքով ներկայացվող գնահատականների քննարկումը£ Եթե առանց կրակ ծուխ չի լինում, ուրեմն կարելի է կարծել, թե ՀՀԿ¬ին ու ԲՀԿ¬ին փոխադարձ թշնամանք ու անհաղթահարելի հակասություններ վերագրող խոսակցությունները հենց այնպես ծայր չեն առել£ Եվ իրոք, ներքաղաքական զարգացումների գրեթե բացակայության պայմաններում ստացվեց այնպես, որ ասպարեզում իրապես երևացող քաղուժերից միայն նշված երկուսը մնացին£ Շատերի դեպքում առարկայացավ միայնակ գործելու անհնարինության գիտակցումը£ Այս առումով պատահական չէ, որ հայտնի¬անհայտ քաղուժերից Առաջադիմական կուսակցությունն ու Սամվել Բաբայանի «Դաշինքն» արդեն իսկ ԲՀԿ¬ին միանալու հայտարարություններ են տարածել£ Սակայն այս դեպքում գերնպատակը նույնիսկ «Բարգավաճ Հայաստանն» էլ չէ£ Քաղաքական դաշտը գիտակցաբար, թե ճարահատյալ բյուրեղանում է, և կասկածից վեր է, որ, նախքան խորհրդարանական ընտրությունների քարոզարշավի հիմնական փուլը, հիմնական քաղուժերին նման միացումներ էլի կլինեն£ Դեռ ոչ շատ առաջ առաջատարների շարքում անվերապահորեն կարելի էր նաև Հայ Ազգային Կոնգրեսը հիշատակել£ Սակայն Լ. Տեր¬Պետրոսյանի գլխավորած քաղուժն ասպարեզից արագ սկսեց հեռանալ, և ժամանակի մեջ հիմա արդեն ավելի լավ է նկատվում ընդդիմադիր դաշտի կատարյալ ամլությունը£ Ընդ որում, դատարկությունն այստեղ այնպիսի գերիշխանություն է հաստատել, որ անգամ Տիգրան Կարապետիչից քիչ ջանքեր պահանջվեցին ուզած պահին և այն էլ` լիարժեք լինելուն շատ մոտ հավակնություններ դրսևորելու համար£ Այս և համանման տարերային իրավիճակների արդյունքում թեկուզև արհեստականորեն, բայց ՀՀԿ¬ն ու ԲՀԿ¬ն տարբեր ճամբարներում «տեղաբաշխվեցին»£ Միգուցե ոմանց համար դժվար էր նշված կուսակցություններին կոալիցիայում և մշտապես կողք¬կողքի պատկերացնելը, միգուցե իրական ու գործուն ընդդիմության պահանջն էր համապատասխան շրջանակներին նման եզրակացությունների մղում£ Այնուամենայնիվ, փաստ է` ձնագունդը հասցրեց այնքան գլորվել, որ այն կասեցնելուն միտված ելույթն այս պահին, իսկ ավելի ճիշտ` համագումարի ընձեռած պատեհ առիթի դեպքում, ոչ պակաս, քան կուսակցության առաջին դեմքին է միայն վերապահված£ Թե որքան հստակ ու առանց ենթատեքստերի կլինի Գագիկ Ծառուկյանի ելույթը, պարզ կդառնա մի քանի օրից£ Սակայն նախքան այդ էլ անվիճելի է, որ եթե համագումարում ՀՀԿ¬ԲՀԿ թանձրացած թեման պարզապես շրջանցվի (հույսով, թե լռությունը տվյալ դեպքում հակասությունները բացառելու նշան է), ապա համապատասխան շրջանակների հայտնի մոտեցումը դրանից հաստատ չի փոխվելու£ Այնպես որ, ԲՀԿ առաջնորդին տվյալ դեպքում ոչինչ չի մնում, քան ամեն ինչի մասին ամենաուղղակի կերպով խոսել` ամեն ինչ գնահատելով հնարավորինս պարզ ու թափանցիկ£ :

ԺԱՆ-ՊՈԼ ՍԱՐՏՐԸ ՎԱՆԱՁՈՐԻ ԹԱՏՐՈՆՈՒՄ

Ժան-Պոլ Սարտրի «Պատվավոր պոռնիկ» պիեսի բեմադրությունը ստեղծագործական խիզախում և համարձակություն է պահանջում, քանզի այս ստեղծագործությունը կառուցված է ոչ թե արտաքին ակտիվ գործողությունների, սուր բախումների վրա` ինչպես հեղինակի «Անշիրիմ մեռելներ» և «Ալտոնիի մենակյացները» պիեսներում, այլ հենվում է «ներքին գործողության», հոգեբանական սուր շրջադարձերի և մոդիֆիկացիաների վրա` ակնհայտ դարձնելով նաև երկի որոշակի հրապարակախոսական լիցքը, որն ունի նկատելի քաղաքական ենթատեքստ, ակնբախ թեզիսայնութ յուն:

ԺԱՄԱՆԱԿԻ ՄԵՋ ԵՎ ԺԱՄԱՆԱԿԻ ՀԱՄԱՐ

«Ավանգարդ»-ի հյուրասրահում այս անգամ ՀՀ մշակույթի վաստակավոր գործիչ, բանասիրական գիտությունների դոկտոր, նշանավոր արձակագիր և թատերագիր Նորայր ԱԴԱԼՅԱՆՆ է£ Անհատականություն, ում արդեն կարող ենք համարել հին երևանցի և մեր հնամենի մայրաքաղաքի գեղարվեստական կերպարը կերտողներից մեկը:

ՏՂԱՆ ԱՂՋԻԿ ԴԱՐՁԱՎ

Հարավային Աֆրիկայի Վերենիհինգ քաղաքում իսկական հրաշք է տեղի ունեցել: 29-ամյա Մադելեշիա Հիսկօկը բժիշկներից տեղեկացել էր, որ պատրաստվում է տղա ունենալ:

ԲՐԻՏՆԻ ՍՓԻՐՍԻ ՆՈՐ ԴԺԲԱԽՏՈՒԹՅՈՒՆԸ

Ամերիկյան փոփ աստղ Բրիտնի Սփիրսին նոր դժբախտություն է պատահել, որի դեմ բժիշկներն անգամ անզոր են: Նրա գերությունը հասել է անհավանական չափերի:

ՆՈՒՌՆ ՕԳՆՈՒՄ Է ԾՆՆԴԱԲԵՐՈՒԹՅԱՆԸ

Ծննդաբերության հաջող ընթացքն ապահովելու համար բժիշկները կանանց խորհուրդ են տալիս օգտագործել նուռ: Ինչպես հայտնաբերել են բժիշկները, նուռն իր մեջ պարունակում է այնպիսի վիտամիններ, որոնք կանոնավորում են հղիության ողջ շրջանը, իսկ ծննդաբերությունը դարձնում դյուրին` բացառելով «կեսարյան հատման» միջամտությունները:

Ասանժը` կինոհերոս

Ամերիկյան Josephson Entertainment կինոընկերությունն ու Michelle Krumm Prods¬ը պատրաստվում են ֆիլմ նկարահանել արդեն իր աղմկահարուցությամբ հայտնի ՎիկիլԻկս կայքի հիմնադիր Ջուլիան Ասանժի մասին£ Կինոնկարի համար` որպես «գայթակղիչ դրամա», հիմք է ծառայելու «Աշխարհի ամենավտանգավոր մարդ» Ասանժի` դեռևս չհրապարակված կենսագրությունը£ Ավստրալիացի լրագրող Էնդրյու Ֆոուլերի գրքից համապատասխան նյութեր քաղելու վերաբերյալ պայմանավորվածություններն արդեն ձեռք են բերվել£ Ահա թե նաև ինչպես կարելի է մեկ քայլով համաշխարհային հռչակ վայելել£ Կարևորն այդ քայլի ճիշտ պահն ու նպատակակետն անվրեպ ընտրելն է£ :

ՏԱՍԸ ՏԱՐԻ ԱՆՑ ԵՐԿԻՐԸ ԿՎԵՐԱԾՎԻ ԴԺՈԽՔԻ

Երկիր մոլորակի բնակչությունը ստիպված է բախվել ջերմաստիճանի ռեկորդային բարձրացումների փաստին: Սա նշանակում է, որ գլոբալ տաքացումն այլևս անշրջելի է:

Երջանկահավասար 10 գումարելիներ

Բոլորս երջանիկ լինել ենք ուզում` հաճախ նույնիսկ չպատկերացնելով անգամ, թե ո՞րն է մեր որոնած երջանկությունը: Ավելին, սովորաբար միշտ երանությամբ ենք հիշում անցյալը` մոռանալով, որ երբ այդ անցյալը ներկա էր` բնավ չենք զգացել այդ երանությունը: